"Norm"ın satışdan gəlirləri və mənfəəti azalıb

"Norm"ın satışdan gəlirləri və mənfəəti azalıb

Sement istehsalçısının 2018-ci ildə satışdan gəlirləri demək olar ki, yerində sayıb. Gəlirlərin artmamasına qarşılıq "Norm"ın xərcləri artıb.

Norm

Azərbaycanda ən böyük sement istehsalçısı “Norm” MMC 2019-cu ili 30 milyon 87 min manat xalis mənfəət ilə bağlayıb.

VTB-də minimal faiz dərəcəsi ilə nağd kredit 10.49%-dən

Marja şirkətin maliyyə hesabatlarına istinadən xəbər verir ki, 2018-ci illə müqayisədə 2019-cu ildə “Norm” MMC-nin xalis mənfəəti 4 milyon 719 min manat və ya 13,5% azalıb. “Norm” 2018-ci ili 34 milyon 806 min manat xalis mənfəət ilə bağlamışdı.

Ötən il “Norm”ın satışdan gəlirləri cüzi azalıb. Belə ki, 2018-ci ildə 149 milyon 447 min manat təşkil etmiş gəlirlər 2019-cu ildə 149 milyon 210 min manata geriləyib (237 min manat azalıb). Xatırladaq ki, 2017-ci illə müqayisədə 2018-ci ildə "Norm"ın satışdan gəliri 23 milyon 175‬ min manat artmışdı.

Ötən il satışdan gəlirlərin 237 min manat azalmasına qarşılıq, satışın maya dəyəri 2 milyon 971 min manat artaraq 89 milyon 944 min manat təşkil edib.

Ötən il “Norm” MMC-nin ümumi və inzibati xərcləri də artıb. Bu göstərici üzrə xərclər 2 dəfə artaraq 9 milyon 317 min manat təşkil edib. 2018-ci ildə ümumi və inzibati xərclər 4 milyon 646 min manat təşkil etmişdi.

Şirkətin satış və marketinq xərcləri 2018-ci ildəki 3 milyon 983 min manatdan 2019-cu ildə 4 milyon 808 min manata, distrbiyutor xərcləri isə 7 milyon 210 min manatdan 8 milyon 721 min manata yüksəlib.

Gəlirlərin təxminən sabit qalması ilə bərabər xərclərin artması “Norm” MMC-nin xalis mənfəətinin azalmasına səbəb olub.

“Norm” MMC-nin cəmi aktivləri 2018-ci illə müqayisədə 60 milyon 355 min manat və ya 26,4% artaraq 2019-cu ilin sonunda 288 milyon 696 min manat təşkil edib. Aktivlərin artması “Digər aktivlər” üzrə göstəricinin artması ilə bağlıdır.

Qeyd edəkl ki, "Norm" MMC-nin maliyyə hesabatlarına “KPMG Audit Azerbaijan” şirkəti rəy verib.

Məlumat üçün bildirək ki, "Norm" MMC “NEQSOL Holdinq” şirkətlər qrupuna daxildir.

05.06.2020 10:29

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az