SOCAR-ın reytinqinin proqnozu “sabit”dən “mənfi”yə dəyişdirildi

SOCAR-ın reytinqinin proqnozu “sabit”dən “mənfi”yə dəyişdirildi

SOCAR-ın reytinqinin proqnozu “sabit”dən “mənfi”yə dəyişdirildi

“Fitch Ratings” beynəlxalq reytinq agentliyi SOCAR-ın uzunmüddətli emitent defolt reytinqini "BB+" səviyyəsində təsdiq edib. Bu barədə agentliyin məlumatında deyilir.

Reytinq üzrə proqnoz “sabit”dən “mənfi”yə dəyişdirilib.

SOCAR-ın qısamüddətli defolt reytinqi "B", prioritet təmin olunmamış reytinq isə «BВ+» səviyyəsində təsdiqlənib.

“SOCAR-ın tamamilə dövlətə məxsus olduğunu nəzərə alaraq bu reytinq Azərbaycanın suveren reytinqi (BB + / “mənfi”) ilə bağlı bu yaxnlarda atılmış analoji addımı əks etdirir”, - deyə məlumatda bildirilir.

Agentliyin qiymətləndirmələrinə görə, SOCAR Azərbaycanın OPEC+ üzrə yeni saziş çərçivəsində götürdüyü öhdəliklərlə əlaqədar 2020-ci ildə neft hasilatını azaldacaq. 2018-ci ildə SOCAR üzrə gündəlik xalis hasilat 256 min barrel neft təşkil edib. Bir barrel neftin 23 dollar səviyyəsində olması SOCAR üçün mənfəətli hesab olunur. Agentlik cari ildə SOCAR üzrə hasilatın 11% azalacağını və 2022-ci ilədək hasilatın 2018-ci ildəki göstəricidən yüksək səviyyədə bərpa olunacağını proqnozlaşdırır.

2018-ci ildə dövlətin gəlirlərində SOCAR tərəfindən ödənilən verginin payı təxminən 10% təşkil edib, dövlətin payına düşən mənfəət neftinin satışından əldə olunan və Azərbaycan Dövlət Neft Fonduna transfert edilməli olan gəlirlər dövlət gəlirlərinin 80%-ə qədərini (2017-ci ildə 65%) təşkil edib. Bu artım 2018-ci ildə dünya bazarında neftin qiymətinin bahalaşması ilə şərtlənib.

Agentlik qeyd edir ki, SOCAR-ın neftlə ticarət əməliyyatları gündəlik 1,5 milyon barrel təşkil edir.

“Fitch”in qiymətləndirmələrinə görə, 2020-ci ildə “Brent” markalı neftin orta qiyməti 35 dollar, 2021-ci ildə 45 dollar, 2022-ci ildə 53 dollar təşkil edəcək.

İnterfaks-Azərbaycan