(®️) Ölkənin aparıcı korporativ bankı - PAŞA Bank Azərbaycanda İT-sahəsinin inkişafına dəstək verməyə davam edir və müvafiq sahədə çalışan mütəxəssilərin və təhsil alan cavan kadrların potensialının artırılmasına yönəlmiş ikinci "PASHA Bank Cup" yarışmasına start verir.

Yarışmada iştirak etmək üçün məktəblilər, tələbələr və peşəkar proqramçılar daxil olmaqla müxtəlif yaş qruplarına aid istedadlı yerli proqramçılar dəvət olunurlar. Ötən ildə olduğu kimi, yarışma 4 təsnifat mərhələsi və final mərhələsindən ibarət olacaq. Hər bir təsnifat mərhələsində ölkənin ən güclü İT-mütəxəssiləri fərqli fundamental mövzularda onlayn müsabiqələrdə yarışacaq və ən çox xal toplayan proqramçılar "PASHA Bank Cup" kuboku uğrunda mübarizə aparacaqlar.

HackerRank platforması üzərindən keçiriləcək müsabiqənin ilk mövzusu “Kodlaşdırma tətbiqi və Data Strukturlar” (“Implementation and Data Structures”) olacaq və bir neçə alqoritm sualından ibarət olan bu mərhələdə iştirakçıların ümumi kodlaşdırma, əsas data strukturlar və sadə alqoritmik təfəkkürü yoxlanılacaq. Yarışmada iştirak etmək istəyən hər kəs HackerRank platformasında qeydiyyatdan keçməli və müsabiqəyə başlamadan öncə özü haqqında məlumatları və CV-ni yükləməlidir.

"PASHA Bank Cup II" yarışmasının ilk müsabiqəsi 1 may 00:00-dan - 4 may 23:59 kimi açıq olacaq və ilk mərhələnin tamamlanması üçün iştirakçıya 4 saat veriləcək.

Müsabiqəyə qatılmaq istəyən proqramçılara hər bir mərhələdən öncə mövzulara hazırlaşmaq üçün mənbə verilir və vaxt ayrılır. Biliklərinizi artırmaq, yeni məlumatlar əldə etmək və müsabiqədə uğurlu iştirak üçün PAŞA Bankın Rəqəmsal Laboratoriya komandası aşağıdakı kitab və kursları tövsiyə edir və onları əldə etmək üçün keçidləri diqqətinizə çatdırır:

Kitablar və mənbələr:
1. Algorithms, 4th Edition by Robert Sedgewick and Kevin Wayne
2. The Algorithm Design Manual by Steven Skiena

Onlayn kurslar:
1. https://www.coursera.org/learn/algorithms-part1
2. https://www.coursera.org/learn/algorithms-part2
3. https://www.udemy.com/course/learn-data-structure-algorithms-with-java-interview/

Hər yaş kateqoriyasında ilk üç yerin qalibləri PAŞA Bank tərəfindən dəyərli hədiyyələrlə təltif olunacaq. Üstəlik, yarışma zamanı yüksək nəticələr göstərən iştirakçılar PAŞA Bankın Rəqəmsal Laboratoriyasında təcrübə proqramında iştirak etmək və hətta Bankda işləmək imkanı əldə edəcəklər.

Qeyd edək ki, “PASHA Bank Cup” yarışmalarının əsas məqsədi iştirakçılarına yeni fundamental biliklər əldə etmək, bacarıqlarını genişləndirmək və peşəkar keyfiyyətlərini nümayiş etdirmək üçün əlverişli şərait yaratmaqdır. 2019-cu ildə bu yarışda 250-dən çox mütəxəssis iştirak etmişdir. Ətraflı məlumat əldə etmək və yaranan suallara cavab almaq üçün, həmçinin ümumi proqramlaşdırma mövzularında müzakirələr üçün “Slack” kanalına (https://join.slack.com/t/digital-engineers-az/shared_invite/zt-a07erj43-IrkyYL8~4Ap0HfwQ78HsnA) qoşula bilərsiniz.

2019-cu ildə keçirilən ilk "PASHA Cup" haqqında əlavə məlumat almaq üçün bu linkə keçid alın: https://www.pashabank.az/press_centre,1509/lang,az/