Neft istehsalçıları razılaşdılar

Neft istehsal edən ölkələr, koronavirus səbəbindən qiymətlərdə meydana gələn çöküşü dayandırmaq səyləri daxilində istehsalın azaldılması üçün razılaşıblar.

OPEC + koalisiyası neftin kəskin ucuzlaşmasını dayandırmaq məqsədilə istehsalı azaltmaq mövzusunda razılaşıblar.

Marja Bloomberg-ə istinadən xəbər verir ki, nümayəndələrə görə, Neft İxrac edən Ölkələr Birliyi (OPEC) və ortaqları, Cümə axşamı günü video konfrans yolu ilə keçirdikləri görüşdə, istehsalı gündəlik 10 milyon barel azaltmaq mövzusunda razılaşmış vəziyyətdədirlər.

VTB-də yüksək depozit faizləri daha çox qazandırır

Nümayəndələr, daha da əhəmiyyətlisi, Rusiyanın da dərin bir istehsal azaltmasına getmək mövzusunda razılaşdığını söyləyiblər.

Böyük neft istehsal edən ölkələr, koronavirus səbəbindən qiymətlərdə meydana gələn çöküşü dayandırmağa səy göstərirlər. Rəqib ölkələr arasındakı fikir fərqliliklərinin aradan qaldırılmasının ardından, istehsalın azaldılması mövzusunda razılaşıblar.

Neft qiymətləri razılaşmaya kəskin reaksiya verməyib. Brent nefti Bakı vaxtı ilə saat 20:00-da 3,3% bahalaşma ilə 33,92 dollardan alıcı tapıb.

Hasilatın 10 milyon barel azaldılması, gündəlik 15-16 milyon barel olduğu təxmin edilən tələb azalmasının yalnız bir qisimini qarşılaya bilər. Yəni, hasilatın 10 milyon barel azaldılması tələbin 15-16 milyon barel azalmasını ödəmir, bazarda təklif artıqlığı qalır, bu səbəbdən neft qiymətlərində kəskin yüksəlmə baş verməyib.

Bu razılaşmanın ABŞ-ı ehtiva edib etmədiyi hələ müəyyən deyil.

OPEC + koalisiyasının ABŞ-ın daxil olması ilə daha da genişləməsi, 18 ilin ən aşağı səviyyəsini görən neft qiymətlərinin təkrar yüksələ bilməsi üçün çox əhəmiyyətlidir. Yalnız neft şirkətlərinin deyil, neftdən asılı bütün ölkələrin, büdcələrində tarazlığı təmin edə bilmələri üçün qiymətlərin yüksəlməsinə ehtiyacları var.

Razılaşma ən azı neft qiymətlərinin düşməməsinə şərait yaradır. Əgər heç bir razılaşma olmasaydı qiymətlərin yenidən çökəcəyi gözlənirdi.

Həmçinin oxu

Səudiyyə Ərəbistanı və Rusiya razılaşdı - 20 milyon barelə qədər...

09.04.2020 20:06

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az