Azərbaycanlı İsveçrə şirkətinin regional ofisinə rəhbər təyin edilib

Azərbaycanlı İsveçrə şirkətinin regional ofisinə rəhbər təyin edilib

Azərbaycanlı İsveçrə şirkətinin regional ofisinə rəhbər təyin edilib

Sərxan Həşimov İsveçrənin "Elcore AG" şirkətlər qrupunun Şərqi Avropa və Mərkəzi Asiya üzrə baş meneceri vəzifəsinə təyin edilib.

VTB-də minimal faiz dərəcəsi ilə nağd kredit 9.9%-dən

Yeni rəhbərin əsas vəzifələri sırasında informasiya texnologiyaları bazarının, tərəfdaş ekosistemin inkişafı, önəmli müştəri və tərəfdaşlarla güclü iş əlaqələrinin qurulması və regionda innovativ iqtisadiyyatın inkişafı üçün dövlətlərlə əməkdaşlıq daxil olacaq.

Sərxan Həşimov, daha öncə Microsoftun Azərbaycan nümayəndəliyinin baş direktoru vəzifəsini icra edib. Onun rəhbərliyi dövründə Microsoft bir sıra ölkə əhəmiyyətli nəticələr qazanıb. Azərbaycan hakimiyyəti ilə dövlət sektorunun kompüter və server parkının lisenziyalaşması üzrə müqavilə imzalayıb. Azərbaycan regionda Microsoft şirkəti ilə belə genişmiqyaslı müqavilə bağlayan yeganə ölkədir. Bu layihə başa çatdıqdan sonra Azərbaycan müəllif hüquqlarının qorunması və innovativ inkişaf sahəsində dünya reytinqini əhəmiyyətli dərəcədə yaxşılaşdıracaq.

Bölgədəki uğurlarına görə Sərxan Həşimov 2018-ci ildə Microsoft Qızıl Mükafatına layiq görülmüşdür. Qeyd etmək lazımdır ki, bu, Sərxan Həşimovun əmək fəaliyyətinə görə təltif ediliyi ilk mükafat deyil. O, 2 il ərzində Oracle şirkətinin ən uğurlu işçiləri sırasında olub və SAP şirkətinin 2015-ci iş ilinin nəticələrinə əsasən ən yaxşı işçilər sırasında qeyd olunub.

Elcore Distribution 1996-cı ildən etibarən bazarda ən yaxşı İT istehsalçılarının İT avadanlıqları, proqram təminatı və xidmətlərinin distribyutorudur. Hazırda müştəri və tərəfdaşlar siyahısına sadədən (ev üçün kompyuter satışı) mürəkkəbə (telekom operatorlarının telekommunikasiya infrastrukturu) doğru uzanan, müxtəlif İT həlləri təqdim edən şirkətlər daxildir.

09.09.2019 12:30