® May ayının 20-də “Xalq Bank və Ulduzumla Dubaya səyahət qazan!” lotereyasının ikinci tirajı keçirildi. Bu tiraj üzrə təsadüfi seçim vasitəsilə 22 qalib müəyyən olundu.

Uduş fondu “Qəbələ Karvansaray Oteli”nə 2 gün, 1 gecəlik 2 nəfərlik qonaqlama kuponundan, SAMSUNG J105 DS smartfonundan, power bankından, CERRUTI kompüter çantasından, selfi çubuğundan, Sabina Parfumery&Cosmetics Mağazalar Şəbəkəsindən 50 AZN-lik hədiyyə kuponundan, “Nisa Beauty” gözəllik mərkəzindən 50 AZN-lik hədiyyə kuponundan, Azpetrol yanacaqdoldurma mərkəzindən 2 ədəd 30 litrlik elektron yanacaq talonundan, “Domino’s Pizza” restoranlar şəbəkəsindən 2 ədəd 30 AZN-lik hədiyyə kuponundan, “Burger King” restoranlar şəbəkəsindən 20 AZN-lik hədiyyə kuponundan və Cinema Plus kinoteatrına 10 ədəd 2 nəfərlik biletdən ibarət idi.

Xatırladaq ki, 15 mart tarixdən başlayan “Xalq Bank və Ulduzumla Dubaya səyahət qazan!” lotereyası Xalq Bankın bütün kart (öncədən ödənilmiş və korporativ kartlar xaric) sahiblərini əhatə edir və qeyri-nağd əməliyyatların artımını stimullaşdırmağa yönəlik aksiyadır. 15 mart tarixdən 15 iyunadək onlayn və POS-terminallar vasitəsilə keçirilmiş ödənişlərə görə (pul köçürmələri, elektron cüzdanlara mədaxil və kredit ödənişi üzrə əməliyyatlar istisna olmaqla) kart sahiblərinin mobil balansına Bakcell bonus dəqiqələri yüklənir. Dəqiqələr həyata keçirilmiş ödənişlər əsasında təqdim edilir – ödənişin hər 5 manatı müqabilində 1 dəqiqə hesablanır. Hər dəqiqə bir uduş şansına bərabərdir. Lotereyada çoxsaylı hədiyyələr və super mükafat - Dubaya səyahət kuponu oynanılır.

Aksiyanın şərtlərinə görə hər iştirakçı lotereyada cəmi bir dəfə mükafat qazana bilər. Əsas mükafat - Dubay şəhərinə səyahət paketinin (Bakı-Dubay-Bakı aviabileti, transfer, 4 gün 3 gecə hotel) sahibi əlavə keçiriləcək uduşda müəyyən ediləcək. Əsas mükafatın oynanıldığı uduşda üç ay ərzində aksiyaya qatılan bütün kart sahibləri iştirak edəcək.

Lotereyada iştirak üçün Xalq Bank ödəniş kartının sahibi, abonenti olduğu Bakcell nömrəsindən 5555 qısa nömrəsinə kartının son 6 rəqəmi və doğum tarixini  (rrrrrr gg.aa.iiii) əks etdirən rəqəmi göndərməlidir. Lotereyada 18 yaşına çatmış şəxslər iştirak edə bilərlər.

Xalq Bankın ödəniş kartları, keçirdiyi kampaniya və aksiyalar haqqında daha ətraflı məlumatı 138 Məlumat Mərkəzindən və ya www.xalqbank.az saytından və ya www.bakcell əldə edə bilərsiniz.