İran: Səudiyyə Ərəbistanı və BƏƏ neft istehsalı güclərini şişirdirlər

İran: Səudiyyə Ərəbistanı və BƏƏ neft istehsalı güclərini şişirdirlər

İran: Səudiyyə Ərəbistanı və BƏƏ neft istehsalı güclərini şişirdirlər

İranın neft naziri Bijen Namdar Zəngənə, beynəlxalq neft bazarında İrana qarşı sanksiyalardan yarana biləcək təklif kəsirini kompensasiya edəcək Səudiyyə Ərəbistanı və Birləşmiş Ərəb Əmirliklərinin (BƏƏ) neft istehsalı güclərini olduğundan çox göstərdiklərini söyləyib.

"Marja" xəbər verir ki, ICANA-ya danışan Zəngənə, İranın neft ixracını hədəfə alan ABŞ-ın birtərəfli sanksiyalarını qiymətləndirib.

Zəngənə, "ABŞ-ın İrana qarşı münasibəti və neft sanksiyaları siyasi blef deyil. Bu sanksiyalar İran xalqına qarşı çox şiddətli düşmənçiliyin göstəricisidir",- deyib.

İranın neft naziri, "Səudiyyə Ərəbistanı və Birləşmiş Ərəb Əmirliklərinin neft istehsal güclərini şişirdiklərini hesab edirəm",- ifadəsini istifadə edib.

TƏK ŞƏXSİYYƏT VƏSİQƏNİZİ TƏQDİM EDİN, 15 DƏQİQƏYƏ KREDİT ALIN

Ağ Evdən ötən bazar ertəsi günü verilən açıqlamada, İrana tətbiq edilən neft sanksiyalarından azad saxlanılan 8 ölkəyə yeni möhlət verilməyəcəyi bildirilmişdi. Açıqlamada, ABŞ, Səudiyyə Ərəbistanı və BƏƏ-nin müştərək şəkildə qlobal enerji bazarlarına tədarük məsələsində təminat verdikləri qeyd edilərək, "İran nefti bazardan çıxdıqdan sonra da qlobal tələbat qarşılanacaqdır" ifadəsi istifadə edilmişdi.

İran Prezidenti Həsən Ruhani də çərşənbə günü Nazirlər Kabinetinin iclasında ABŞ-ın birtərəfli sanksiyalarına dəstək verən iki Körfəz ölkəsinə, "Necə olur ki, Trampa, "İranın neft ixracı sıfıra enərsə biz kompensasiya edərik" deyirsiniz?! Bu sözlərin nəticələrindən xəbərdarsınız və bunun İrana açıq bir düşmənlik anlamına gələcəyini görürsünüzmü?!" sözləri ilə reaksiya göstərmişdi.

29.04.2019 07:22

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az