İrandan ABŞ-ın "yeni möhlət olmayacaq" qərarına dair açıqlama

İrandan ABŞ-ın "yeni möhlət olmayacaq" qərarına dair açıqlama

İrandan ABŞ-ın "yeni möhlət olmayacaq" qərarına dair açıqlama

İran Xarici İşlər Nazirliyinin spikeri Abbas Musevi, ABŞ-ın azadolmaları (möhlət) uzatmamaq qərarı ilə əlaqədar olaraq ölkə daxilində və xaricdəki əlaqədar qurumlarla danışıqlar apardıqlarını və İranın mövqeyinin qısa müddətdə açıqlanacağını qeyd edib.

VTB-də minimal faiz dərəcəsi ilə nağd kredit 10.49%-dən

"Marja" xəbər verir ki, Musevi, ABŞ-ın İrandan neft idxalına görə 8 ölkəyə verdiyi möhləti uzatmayacağını bildirməsinin ardından Xarici İşlər Nazirliyinin rəsmi saytından etdiyi açıqlamada Vaşinqton rəhbərliyini tənqid edib.

ABŞ-ın İrana yönəlmiş sanksiyalarının "qanunlara zidd olduğunu" qeyd edən Musevi, "İran, öncədən sanksiyalar çərçivəsindəki azadolmalara önəm verməməkdədir" ifadəsini istifadə edib.

Musevi, İran Xarici İşlər Nazirliyinin, sanksiyaların mənfi təsirləri və azadolmaların yenilənməməsi səbəbilə bu mənfi vəziyyətin artması ehtimalına qarşı əlaqədar bütün yerli təşkilatlarla davamlı ünsiyyətdə olduqlarını qeyd edib.

Avropa Birliyi, qonşu ölkələr və beynəlxalq şirkətlərin nümayəndələrilə danışıqlar apardıqlarını vurğulayan Musevi, "Çox qısa bir müddət ərzində bu mövzu ilə əlaqədar lazımi qərarlar veriləcək və elan ediləcək."

TƏK ŞƏXSİYYƏT VƏSİQƏSİLƏ 15 DƏQİQƏYƏ KREDİT!

Ağ Evdən verilən yazılı açıqlamada, Prezident Donald Trampın, mayın əvvəlində müddəti bitəcək azadolmaları uzatmamaq qərarı verdiyi bildirilmişdi. Bu qərarla, İranın neft ixracını sıfıra endirmək və rejimin əsas gəlir mənbəyini məhdudlaşdırmağın hədəfləndiyi qeyd edilmişdi.

Çin, Hindistan, Yaponiya, Cənubi Koreya, Tayvan, Türkiyə, İtaliya və Yunanıstan ABŞ-ın İrandan neft alışına tətbiq etdiyi sanksiya qərarından 2 Maya qədər 180 günlüyünə azad olunmuşdular. ABŞ-ın yeni qərarı ilə bu ölkələrə verilən möhlət sona çatacaq.

İranla nüvə razılaşmasından tək tərəfli çıxan ABŞ-ın İrana qarşı ilk sanksiya paketi 7 Avqust 2018-də, ikinci mərhələ sanksiya paketi isə 5 Noyabr 2018-də qüvvəyə minmişdir. ABŞ, bu tarixdən 8 ölkəyə İrandan neft idxal etməyə 180 gün icazə vermişdi.

23.04.2019 06:41

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az