ABŞ-ın elektrikli avtomobil istehsalçısı "Tesla", enerjinin toplanması ilə bağlı texnologiyalar inkişaf etdirən "Maxwell" şirkətini 218 milyon dollara satın aldığını açıqlayıb.

"Marja" xəbər verir ki, bu çərçivədə, "Tesla"nın elektrik avtomobillərində "Maxwell"in istehsal etdiyi ultra kondensatorlardan istifadə ediləcəyi bildirilib.

 ELEKTRİKLİ AVTOMOBİLLƏRDƏ İSTİFADƏ EDİLƏCƏK

"Tesla"nın təsisçisi və İcraçı direktoru İlon Maskın, elektrikli avtomobillərdə də istifadə edilə sözügedən texnologiyaya bir müddətdir maraq göstərdiyi bildirilir. Mənbələr, İlon Maskın ultra kondensatorların elektrikli avtomobillərdə istifadəsinin batareyalardan daha səmərəli ola biləcəyini düşündüyünü qeyd edirlər. Bu çərçivədə, İlon Maskın Stanford Universiteti ilə birlikdə işlədiyi də bildirilir.

Şirkət mənbələri, "Maxwell"in ultra kondensatorlarının, "Tesla"nın batareya dizaynını dəyişərək, əldə olunan performansı artıracağını qeyd edirlər.  

"Maxwell"in elektrikli vasitələr üçün batareya komponentləri də istehsalı etdiyi bilinir. Mütəxəssislər, şirkətin istehsal etdiyi texnologiyanın avtomobil sektorunda hazırda istifadə edilən batareyalardan daha səmərəli olduğunu bildirirlər.

"Oppenheimer"in analitiklərindən Colin Rusch-a görə, şirkətin məhsulları elektrikli avtomobillərin istehsal xərclərini azalda bilər.

 
Rusch, "Daha geniş kütlələrə çıxmaq üçün avtomobilin qiymətlərini aşağı salmaq üzərində çalışan "Tesla", bu çərçivədə batareyanın ucuzlaşdırılması və performansın yaxşılaşdırılması üzərində çalışır" - deyib.

"Tesla"nın enerjinin yığılması məqsədilə ultra kondensatorlar istehsal edən şirkətin alınması haqqında bildirilib: "Tesla-nın missiyası olan dünyanın davamlı enerji istifadəsini artırmağa yönəlmiş potensial satınalmaları qiymətləndiririk"

 YAPON BRENDİNİN SƏHMLƏRİ "ƏRİDİ"
 

 Digər tərəfdən, proseslər "Tesla"nın ən böyük batareya tədarükçüsü olan Yaponiyanın texnologiya nəhəngi "Panasonic"i vurub. "Maxwell"in satılmasının ardından "Panasonic"in səhmlərində 6.5 faiz ucuzlaşma baş verib.