“Embafinans”da yüksək artımlar - QAZANCI 4 DƏFƏYƏ YAXIN ARTIB

“Embafinans”da yüksək artımlar - QAZANCI 4 DƏFƏYƏ YAXIN ARTIB

“Embafinans”da yüksək artımlar - QAZANCI 4 DƏFƏYƏ YAXIN ARTIB

Bank olmayan kredit təşkilatı “Embafinans” MMC 2018-ci ildə də böyüməkdə davam edərək bazardakı mövqeyini möhkəmləndirib. Kredit təşkilatının aktivləri, kredit portfeli, gəlirləri və xalis mənfəəti artıb.

GƏLİRLƏR

“Marja” təşkilatın maliyyə göstəricilərinə istinadən xəbər verir ki, 2017-ci illə müqayisədə 2018-ci ildə “Embafinans”ın cəmi gəlirləri 1 milyon 835 min manat və ya 36,2% artaraq 6 milyon 898 min manat təşkil edib. MMC 2017-ci ildə 5 milyon 63 min manat cəmi gəlir əldə etmişdi.

İllik müqayisədə “Embafinans”ın faiz gəlirləri 32% artaraq 5 milyon 526 min manat, haqq və komissiya 58% artaraq 1 milyon 372 min manat təşkil edib. 2017-ci ildə MMC-nin faiz gəlirləri 4 milyon 196 min manat, haqq və komissiya gəlirləri isə 867 min manat təşkil etmişdi.

QAZANCI 4 DƏFƏYƏ YAXIN ARTIB

2017-ci illə müqayisədə 2018-ci ildə "Embafinans" MMC-nin xalis mənfəəti 3,7 dəfə artaraq 1 milyon 834 min manat təşkil edib. Bank olmayan kredit təşkilatı 2017-ci ildə 496 min manat xalis mənfəət əldə etmişdi.

MÜŞTƏRİLƏRƏ VERİLƏN KREDİTLƏR ARTIB

“Embafinans”ın aktivlərində də artım müşahidə edilir. Kredit portfelinin 47% artması nəticəsində cəmi aktivlər 34% artaraq 2017-ci ilin sonundakı 22 milyon 846 min manatdan 2018-ci ilin sonunda 30 milyon 515 min manata yüksəlib. Təşkilatın kredit portfeli isə 31 Dekabr 2018-ci il tarixində 23 milyon 950 min manata çatıb. 2017-ci ilin sonunda təşkilatın kredit portfeli 16 milyon 292 min manat təşkil etmişdi.

İllik müqayisədə “Embafinans”ın məcmu kapitalı 10% artaraq 15 milyon 86 min manata yüksəlib.

MALİYYƏ NƏTİCƏLƏRİ:	2018	2017	Artım
Faiz gəlirləri	5 525 723	4 195 849	132%
Faiz xərcləri	- 1 225 474	-1 162 533	105%
Xalis faiz gəliri	4 300 250	3 033 317	142%
Haqq və komissiya gəlirləri	1 372 356	866 969	158%
Haqq və komissiya xərcləri	- 361 968	- 290 012	125%
Xalis əməliyyat gəliri	5 310 638	3 610 274	147%
İnzibati və digər əməliyyat xərcləri	- 3 018 525	- 2 989 841	101%
Vergidən əvvəlki mənfəət	2 292 113	620 433
Mənfəət vergisi xərci	- 458 423	- 124 087
Xalis mənfəət	1 833 691	496 347	369%
BALANS GÖSTƏRİCİLƏRİ:	31.12.2018	31.12.2017
Aktivlər	30 514 767	22 846 012	134%
Kredit portfeli	23 950 545	16 292 775	147%
Məcmu kapital	15 086 126	13 725 768	110%