Çin 1,5 trilyon yuanı sərbəst buraxdı

Çin 1,5 trilyon yuanı sərbəst buraxdı

Çin Mərkəzi Bankı, məcburi ehtiyat normasını 100 bənd endirərək 1,5 trilyon yuan vəsaiti (likvidliyi) sərbəst buraxıb.

"Marja" xəbər verir ki, endiriminin 50 bəndi 15 Yanvarda, qalan 50 bəndi 25 Yanvarda qüvvəyə minəcək.

Məsələ ilə bağlı Çin Mərkəzi Bankından verilən açıqlamada bunlar qeyd edilib:

VTB-də minimal faiz dərəcəsi ilə nağd kredit 10.49%-dən

-Məcburi ehtiyat norması endirimi Çin yeni ili tətili dövründə likvidlik çatışmazlığını kompensasiya etmək məqsədlidir,

- Endirim 1,5 trilyon yuan likvidliyi sərbəst buraxacaq,

-Ehtiyatlı pul siyasətinə sadiq qalmağa davam edəcəyik,

-Endirim xüsusi və kiçik şirkətlər üçün maliyyələşməni artıracaq.

Məcburi ehtiyatlar - əmanət qəbul edən bankların bu əmanətlərə əvəz olaraq Mərkəzi Bankda saxlamaq məcburiyyətində olduqları əmanətlərin nisbətidir və bu nisbət Mərkəz Bank tərəfindən müəyyən edilir.

Məcburi ehtiyatlar qaldırıldıqda bank sisteminin kredit vermək qabiliyyəti məhdudlaşır və beləliklə iqtisadiyyatda pul kütləsinin həcmi azalır. Mərkəzi Bank məcburi ehtiyatları azaltdıqda isə bunun əksi baş verir. Məsələn, bir fərd kommersiya bankına 1000 manat məbləğində əmanət qoyur və məcburi ehtiyat norması 1%-dir. Bu halda kommersiya bankı cəlb etdiyi məbləğin 1%-ni, yəni 10 manatını Mərkəzi Bankda saxlamalıdır. Nəticədə kommersiya bankı cəlb etdiyi 1000 manatlıq əmanətin hamısını deyil, 990 manatını kredit resursu kimi istifadə edə bilər. Mərkəzi Bank məcburi ehtiyat normasını 1%-dən 2%-ə qaldırdığı təqdirdə isə kommersiya bankı cəlb etdiyi 1000 manatlıq əmanətin yalnız 980 manatını kredit kimi verə biləcəkdir.

05.01.2019 06:17

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az