Avstriyanın paytaxtı Vyanada davam edən Neft İxrac Edən Ölkələr Təşkilatının (OPEC) 175-ci  toplantısından sonra nəzərdə tutulan mətbuat açıqlamasının sabah veriləcəyini bildirilib.
 

"Marja" xəbər verir ki, OPEC-in mətbuat xidmətindən verilən məlumata görə, son həftələrdə neft qiymətlərində baş verən ciddi azalmaya dair tədbirləri müzakirə etmək üçün bir araya gələn OPEC üzvü olan 15 ölkənin neft və energetika nazirlərinin danışıqlarını davam etdirdiyi, bu səbəbdən bu gün planlaşdırılan açıqlamanın sabaha saxlanıldığı bildirilib.
 

OPEC-ə üzv olmayan ölkələrin nazirlərinin də qatılacağı sabahkı toplantıdan sonra, həm OPEC üzvü, həm də aralarında Rusiyanın da olduğu OPEC üzvü olmayan ölkələrin verəcəyi qərarın dünya ictimaiyyətinə açıqlanacağı qeyd edilib.

Bu gün başlayan toplantı nəticəsində üzv ölkələrin yenidən gündəlik neft hasilatını azaltmaq qərarı verəcəyi gözlənilirdi.
 

Qərarın sabah açıqlanması, 5-incisi keçirəcək OPEC və OPEC-ə üzv olmayan ölkələr görüşünün əhəmiyyətini artırıb.

PULSUZ SEMİNARA QATIL, QAZANMAĞI ÖYRƏN!

ABŞ, Rusiya və Səudiyyə Ərəbistanının xam neft hasilatları rekord həddə çatıb. Qlobal neft bazarında təklifin artması nəticəsində qiymətlər aşağı düşür. 4 Oktyabrda 86 dollar olan Brent növü xam neftin barrel qiyməti, 33 faiz azalma ilə 29 Noyabrda 57,5 dollara geriləmişdi.
 

Hazırda (saat 21:30) Brent neftinin qiyməti 59,34 dollardır. Bu gün Brent nefti 3,6% ucuzlaşıb.

OPEC İqtisadi Komissiyası, ötən həftə dərc olunan hesabatda, neft qiymətlərində tarazlığın yenidən bərpa olunması üçün cəmi hasilatın gündəlik ən azı 1,3 milyon barrel səviyyəsində azaldılması lazım olduğu tövsiyə etmişdi.

OPEC və OPEC üzvü olmayan neft istehsalçıları, 2016-da neft hasilatının gündəlik 1,8 milyon barrel azaldılması barədə qərar qəbul etmişdilər. Ötən ilin may ayında isə bu qərardan imtina edilərək istehsal artımına gedilmişdi.

Reuters: OPEC ölkələri hasilatın azaldılması barədə prinsipcə razılığa gəliblər

Axşam saatlarında "Reuters" agentliyinin yaydığı xəbərdə bildirilirdi ki, OPEC-ə üzv ölkələr Vyanada keçirilən iclasda hasilatın azaldılmasına dair prinsipcə razılığa gəliblər. Açıq qalan sual hasilatın hansı həcmdə azaldılması və əsas qeyri-OPEC ölkəsi Rusiyanın hasilatın azaldılmasında iştirakı ilə bağlıdır.

Gündəlik hasilatın 1 milyon barrel azaldılmasının kifayət edəcəyi qənaətində olan Səudiyyə Ərəbistanının energetika, sənaye və təbii sərvətlər naziri Xalid Əbdüləziz Al Falih dekabrın 7-də axşamadək qeyri-OPEC ölkələri ilə də razılaşma əldə ediləcəyinə ümidvar olduğunu bildirib.

Agentliyin məlumatında, həmçinin bildirilir ki, Səudiyyə Ərəbistanı Rusiyanı hasilatı gündəlik 250-300 min barrel aşağı salması ilə bağlı danışıqlar aparır.