8 il əvvəl dünyanın gündəminə "bomba" kimi düşən tarixin ən böyük texnologiya satınalmalarından biri olan "Autonomy" şirkətinin HP-ə satışında şok hadisə! 11 milyard dollarlıq nəhəng satış ərəfəsində şirkətin qiymətini olduğundan artıq göstərməklə günahlandıran "Autonomy"nin keçmiş İcraçı direktoru Lynch haqqında istintaq başlayıb. Lynch, 20 ilə qədər həbs cəzası ala bilər.

Böyük Britaniyanın tanınmış texnologiya menecerlərindən Mike Lynch, İcraçı direktor olduğu dövrdə "Autonomy" şirkətini HP-yə 11 milyard dollara satarkən saxtalaşdırma etdiyi iddiası ilə 20 ilə qədər həbs cəzası ilə üz-üzədir.
 

"Marja" xəbər verir ki, haqqında cinayət işi açılan Lynch üçün hiylə qurmaq və saxtalaşdırma cinayətlərini də əhatə edən 14 iddia var.
 

Texnologiya dünyasına "bomba" kimi düşən iddialara görə, Lynch, 2011-ci ildə birgə banisi olduğu "Autonomy" şirkətini kompüter nəhəngi HP-yə 11 milyard dollara satmadan əvvəl şirkətin qiymətini "sənədlərdə saxtalaşdırma" apararaq olduğundan çox daha çox göstərib. İddialara görə, həmçinin Lynch, satışdan haqsız olaraq 815 milyon dollarlıq şəxsi qazanc da təmin edib..
 

İstintaq nəticəsində iddiaların təsdiqlənməsi halında Lynch-ın 20 ilə qədər həbs cəzası ala bilər.
 

ZAMANINDA BÖYÜK REZONANS YARATMIŞDI

 
"Autonomy" proqram təminatı şirkəti, 1996-cı ildə San-Fransiskoda Michael ve Mike Lynch qardaşları tərəfindən qurulmuşdur. İmza atdığı uğurlu layihələr sayəsində bazarda yaxşı tanına şirkət, 2011-ci ildə HP-ə satılmışdır.
 

11 milyard dollar ilə texnologiya dünyasında tarixə düşən ən yüksək satınalmalardan biri olan "Autonomy"nin HP-ə satışı o vaxt dünyada böyük rezonans doğurmuşdu.
 

8,8 MİLYARD ZƏRƏR YAZDI, İKİYƏ BÖLÜNDÜ
 

Nəhəng satınalmadan sonra 8,8 milyard dollarlıq zərər yazan dünya nəhəngi HP, daha sonra yenidənqurmaya gedərək HP Inc. və HP Enterprise olaraq ikiyə bölünmüşdü.