Neft qiymətləri daha da düşdü

Neft qiymətləri daha da düşdü

Neft qiymətləri düşməkdə davam edir.

"Marja" xəbər verir ki, Brent nefti 58 dollardan da aşağı düşüb.

Bakı vaxtı ilə saat 13:29-da Brent nefti 1.5% ucuzlaşma ilə 57,89 dolları, ABŞ xam nefti isə 1,2% ucuzlaşma ilə 49,71 dolları görüb.

ABŞ-ın xam neft ehtiyatlarındakı artım ilə bağlı olaraq neft qiymətləri düşür.

Xəbər verdiyimiz kimi, ABŞ Enerji İnformasiya İdarəsi (EIA) ölkədə kommersiya (satış) məqsədli xam neft ehtiyatlarının ötən həftə 3,6 milyon barel (0,8 faiz) artımla 450,5 milyon barelə çıxdığını açıqlayıb.

Bazar gözləntisi, ehtiyatların 800 min barrel artacağı istiqamətində idi. Xam neft ehtiyatları ötən həftə 4,9 milyon barrel artmışdı.

Kommersiya xam neft ehtiyatlarına daxil olmayan strateji xam neft ehtiyatları isə ötən həftə 2 milyon barrel (0,3 faiz) azalaraq 650,6 milyon barrelə enib.

ABŞ-ın benzin ehtiyatları da ötən həftə 800 min barel (0,3 faiz) azalaraq 224,6 milyon barelə düşüb. Benzin ehtiyatlarına dair bazar gözləntisi 600 min barel artım olması istiqamətində idi. Benzin ehtiyatları əvvəlki həftə 1,3 milyon barel azalmışdı.

ABŞ-ın xam neft idxalı, keçən həftə əvvəlki həftəyə nisbətən gündəlik orta hesabla 608 min barel artımla 8,16 milyon barelə çatıb, ixracı da gündəlik orta hesabla 473 min barrel artaraq 2,44 milyon barrelə yüksəlib.

NEFT HASİLATI REKORD SƏVİYYƏDƏDİR

Ölkənin xam neft istehsalı isə keçən həftə əvvəlki həftəyə nisbətən gündəlik orta hesabla 5 min barel azalıb. Azalmaya Alyaska ştatındakı istehsaldan qaynaqlanıb, digər ştatlarda isə dəyişiklik olmayıb.

Beləliklə, 17-23 Noyabr həftəsində ABŞ-ın xam neft istehsalı təxminən gündəlik orta hesabla 11,7 milyon barrel olub. Bu, ölkə tarixində rekord səviyyədir.

Ölkənin xam neft istehsalı isə son 46 həftədə 9 dəfə azalma göstərib.

EIA-nın Noyabr hesabatına görə, ölkənin gündəlik orta hesabla xam neft hasilatının bu il 10,9 milyon barrel, gələn il isə 12,1 milyon barrel olacağı ehtimal edilir.

29.11.2018 10:25

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az