Beynəlxalq Valyuta Fondunun (BVF) təxminlərinə görə, inkişaf etmiş ölkə kateqoriyasına aid olan 37 ölkənin ümumi daxili məhsulu (ÜDM) gələn il 1 trilyon 718,7 milyard dollar artacaq.

Beləcə, 37 inkişaf etmiş ölkənin iqtisadi böyüklüyünün 2018-ci il üçün nəzərdə tutulan 51 trilyon 161,3 milyard dollar səviyyəsindən, 52 trilyon 880 milyard dollara çatacağı təxmin edilir.

"Marja" xəbər verir ki, təxminlərə görə, 37 inkişaf etmiş ölkə arasında ÜDM  böyüklüyü baxımından ABŞ birinci yerdədir. ABŞ-ın 2018-ci ilin sonunda 20 trilyon 513 milyard dollar səviyyəsində reallaşacağı nəzərdə tutulan iqtisadi böyüklüyünün, 2019-da 969,4 milyard dollar artaraq 21 trilyon 482,4 milyard dollara çatması gözlənilir.

ABŞ-ın ardından Yaponiya ikinci yeri tutur. Bu ölkənin iqtisadi böyüklüyünün gələn il 149,9 milyard dollarlıq artımla 5 trilyon 220,6 milyard dollara qalxacağı nəzərdə tutulur.

37 inkişaf etmiş ölkə arasında iqtisadi böyüklük baxımından Almaniyanın 4 trilyon 117,1 milyard dollarla üçüncü, Fransanın 2 trilyon 844,7 milyard dollarla dördüncü, İngiltərənin 2 trilyon 809,9 milyard dollarla beşinci və İtalyanın 2 trilyon 112,8 milyard dollarla altıncı yeri tutuacağı gözlənilir.

ƏN KİÇİK "İNKİŞAF ETMİŞ SAN MARİNODUR

BVF-nin, inkişaf etmiş ölkə kateqoriyasında qiymətləndirdiyi 37 ölkə arasında iqtisadi böyüklüyü ən kiçik ölkə San Marinodur. Avropa ölkəsi olan San Marinonun iqtisadi böyüklüyünün 2019-da bu illə müqayisədə17 milyon dollar artaraq 1 milyard 786 milyon dollara çıxacağı təxmin edilir.

İnkişaf etmiş ölkələr arasında 2019-da iqtisadi böyüklük təxminləri baxımından son yerləri tutan digər ölkələr, 15,1 milyard dollarla Malta, 24 milyard 996 milyon dollarla Kipr və 28 milyard 252 milyon dollarla İslandiyadır. 

ƏN  YÜKSƏK ARTIMIN ÇEXİYADA OLACAĞI GÖZLƏNİLİR

BVF-nin təxminlərinə görə, gələn il iqtisadiyyatı ən sürətli artacaq inkişaf etmiş ölkə Çex Respublikası olacaq. Çex Respublikasının bu il sonunda 244,5 milyard dollar səviyyəsində olması gözlənilən iqtisadi böyüklüyünün, 2019-da 8,2% artaraq 264,5 milyard dollara çatacağı təxmin edilir.

İqtisadi böyüklük artımında Çex Respublikasının ardınca 5,9%-lə İslandiya,  5,7% artımla Honq Konq və 5,6% artımla da Estonyanın gələcəyi nəzərdə tutulur. 

ABŞ-ın 2019-cu ilin sonunda çatması gözlənilən 21,5 trilyon dollarlıq iqtisadi böyüklüyü, 37 inkişaf etmiş ölkənin cəmi ÜDM-lərinin 40%-nə bərabər gəlir. ABŞ, ən yaxın rəqibi Yaponiyadan 5 dəfə böyük iqtisadiyyata malikdir.