Kolleqalarına, biznes partnyorlarına və müştərilərinə  hədiyyələr vermək korporativ mədəniyyətin bir hissəsidir. Bu hədiyyələrin işgüzar əlaqələrin qurulmasında və möhkəmlənməsində rolu böyükdür. Ən vacib məsələ insana vaxtında və dəyər verəcəyi hədiyyəni verməkdir.

Korporativ hədiyyə seçimi ildə minimum 1-2 dəfə top menecerlər, marketinq və PR departamentləri üçün baş ağrısına çevrilir. Qabaqdan Yeni il bayramı gəlir və ilin sonu olduğuna görə bir çox şirkətlər hədiyyə seçimini ən axırıncı ana saxlayır.  Nəticədə hədiyyə seçimi tez-tələsik olur və çox zaman şirkətlər lazımsız və orijinal olmayan hədiyyə almaq məcburiyyətində qalırlar.

Korporativ hədiyyə ideyaları

1. Vizitka qabı, gündəlik, qələm və  digər orqanayzerlər ən praktik hədiyyələrdir. Ancaq bu tip hədiyyələrin çox böyük bir mənfi tərəfi var.  Gündəliklər, qələmlər praktik hədiyyə kimi görsənsələr də bir o qədər də orijinal deyil. Həm də əgər siz bu hədiyyəni biznes partnyoruna verirsinizsə, çox güman ki, orijinal olmayan hədiyyənizi heç zaman istifadə etməyəcək. Bu növ hədiyyələrin seçimində qiymət daha böyük rol oynayır.

2. Ən orijinal hədiyyələrdən biri də biznes partnyoruna kitab hədiyyə etməkdir. Ancaq kitab seçimində çox diqqətli olmaq lazımdır.  Siz kitabı partnyorun hobbisi, dünyagörüşünə əsasən seçməlisiniz. Bu isə o deməkdir ki, siz həmin insanı çox yaxından tanımalısınız.  Yeri gəlmişkən, kolleqalarınıza, biznes partnyorlarınıza və müştərilərinizə kitab hədiyyə etmək istəsəniz, “Daha Ağıllı ol!” kitabı ən doğru seçim ola bilər. Belə ki, bu kitab yalnız orta və top menecerlər üçün nəzərdə tutulub və 15 ən məşhur kitabın qısa məzmununu əhatə edir. Bu hədiyyə sizin partnyorunuzun masaüstü kitabına çevriləcək və hər zaman sizi xatırladacaq. Biznes, marketinq, satış, strategiya və motivasiya kateqoriyasına aid olan 15 kitab ilk dəfə olaraq Azərbaycan dilində qısa məzmunda oxuculara çatdırır. Kitab sifarişini saytdan və ya +994 55 605 93 88 nömrəsindən həyata keçirə bilərsiniz.

Korporativ hədiyyə üçün təqdimat=> http://readit.az/readit_book_2nd_sponsorship.pdf

3. Ərzaq zəmbili. Yeni il hədiyyəsi kimi partnyorlara verilə bilər. Adətən belə zəmbillər müxtəlif şirniyyatlar, içkilər daxil ola bilər. Bu tip hədiyyə uzunmüddətli olmasa da, faydalı və praktik hədiyyə sayılır.

4. Yeni il simvolları. Yeni il şarları, dekorativ şam ağacları, oyuncaqlar və digər yeni il simvolları partnyorlarınız üçün hədiyyə ola bilər. Bu tip hədiyyələr adətən  yuxarıda sadalanan hədiyyələrlə dəst verildikdə daha dəyərli olacaq.

Bu və digər hədiyyələrin sifarişində aşağıdakılara diqqət yetirməlisiniz:

- Loqotip nə qədər gözəgirən olsa, hədiyyəniz bir o qədər orijinallığını itirmiş olacaq və praktikliyini itirəcək. Heç bir top menecer yəqin ki, digər bir şirkətin logosu olan qələmdən istifadə etməyəcək.

- Hədiyyə seçiminə 2 ay öncədən başlasanız həm qiymətdə udmuş olacaqsınız, həm də daha orijinal hədiyyə seçimi imkanınız olacaq.

Bu məqalədə ən populyar hədiyyə siyahısı sizin nəzərinizə çatdırıldı. Ən yaxşı yollardan biri də yuxarıda sadalananlardan qarışıq bir dəst düzəltməkdir. Unutmayın ki, hədiyyəniz sıradan deyil, hədiyyə təqdim edəcəyiniz insan üçün dəyərli və özəl olmalıdır. 

www.readit.az