Beynəlxalq Maliyyə İnstitutunun (IIF) İcraçı direktoru Hung Tran, Türk lirəsi və Türkiyə iqtisadiyyatı haqqında danışıb. 
 

"Marja" "Anadolu Agentliyi"nə istinadən xəbər verir ki, Tran, Türk lirəsinin hazırdakı dəyərinin lazım olduğundan aşağı olduğunu bildirib: "Alıcılıq qabiliyyəti paritetinə baxanda Türk lirəsini dəyərindən aşağı bölgədə görürük. Həqiqətən əsl dəyərindən aşağıdır".
 

"PROQNOZ VERMƏK ÇƏTİNDİR"

Tran, bazarlardakı yüksək dalğalanma və qeyri-müəyyənlik səbəbindən qısa dövrdə Türk lirəsi üçün proqnoz verməyin çətin olduğunu dilə gətirərək, uzun dövrdə Türk lirəsinin bahalaşmasının bəzi amillərə bağlı olduğunu bildirib.
 

Bu amillər arasında Türkiyə ilə ABŞ arasındakı siyasi münaqişənin həllini və Türkiyə rəsmilərinin iqtisadi siyasətləri tətbiq etməsini göstərən Tran, "Sabitlik yaratmaq üçün vaxt lazımdır. Türk lirəsi daha ədalətli dəyər səviyyəsinə sahib olduğu mövqeyə çatacaqdır" deyib.
  

Tran, "Hazırda Türk lirəsi bazarda iqtisadi əsaslarla deyil, həddindən artıq həssaslıqla hərəkət edir. 1-2 il ərzində lirənin dollar qarşısında vəziyyətini düzəldərək ədalətli səviyyə olan 5-5,5 arasında olmasını gözləyirik" deyib.

UCUZ LİRƏ CARİ KƏSİRİ AZALDACAQ

İnflyasiyanı və cari kəsiri azaldıcı siyasətlər ilə Türkiyə iqtisadiyyatını davamlı bir yola salınacağını vurğulayan Tran, Türk lirəsində son dövrdə yaşanan zəifliyin cari kəsiri aşağı salmaq üçün çox faydalı olacağına qeyd edib. 

Tran, pul vahidində zəifliyin - idxala azaldıcı və ixraca isə canlandırıcı təsirinə diqqəti çəkərək, cari kəsiri azaltmaq üçün hazırda zəif olan Türk lirəsinin "xilaskar" olacağını bildirib.

ABŞ-IN İRANA SANKSİYALARI TÜRKİYƏ ÜÇÜN RİSK YARADACAQ

 
ABŞ-ın İrana tətbiq etdiyi sanksiyaların ikinci dalğasının noyabrda yenidən qüvvəyə minəcəyini xatırladan Tran, Türkiyə ilə İran arasındakı enerji ticarətinə də diqqəti çəkərək, ABŞ-ın İrana sanksiyalarının Türkiyə üçün risk yarada biləcəyi haqqında da xəbərdarlıq edib.

Qeyd edək ki, Türkiyə İranda neft və qaz alır. ABŞ, Noyabr ayınadək İrandan neft və qaz alışını dayandırmayanlara sərt sanksiya tətbiq edəcəyini bəyan edib.

 
Həmçinin Tran, xərc və investisiyaları maliyyələşdirmək üçün Türkiyəyə hər il ümumi daxili məhsulunun (ÜDM) 25 faizi qədər xarici sərmayə axınının cəlb edilməsi lazım olduğunu xatırladıb.

CARİ KƏSİR 5%-Ə DÜŞƏ BİLƏR

ABŞ-ın beynəlxalq investisiya bankı və maliyyə xidmətləri şirkəti "Goldman Sachs", Türk lirəsində sabitliyi təmin etmək üçün pul və maliyyə tədbirlərinin birləşməsinə diqqəti çəkərək, Türkiyə rəsmilərinin bu variantı tətbiq etməyə başladığını bildirib.
 

"Goldman Sachs", cari kəsirin ÜDM-ə nisbətinin bu ilin ilk rübündə 7 faiz səviyyəsində olduğunu qeyd edərək, həmin nisbətin ilin əvvəlindən bu yana isə 6,5 faiz səviyyəsində olduğunun təxmin edildiyini bildirib.
 

"Goldman Sachs"a görə, xarici ticarət balansının güclənməsilə, cari kəsirin ÜDM-ə nisbətinin gələn il 5 faiz səviyyəsinə düşməsi nəzərdə tutulur.
 

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

İyunda cari əməliyyatlar kəsiri ötən ilin eyni ayına nisbətən 818 milyon dollar azalaraq 2 milyard 973 milyon dollar olmuşdu.
 
 Cari kəsir iyunda son 10 ayın ən aşağı səviyyəsinə düşüb. Sözügedən 2 milyard 973 milyon dollar son 9 ilin ən aşağı iyun ayı rəqəmi olaraq da qeydə alınıb.