Samsung 3 ildə 160 milyard dollar sərmayə yatıracaq

Samsung 3 ildə 160 milyard dollar sərmayə yatıracaq

Samsung 3 ildə 160 milyard dollar sərmayə yatıracaq

Cənubi Koreyanın texnologiya nəhəngi Samsung gələcək 3 ildəki investisiya planlarını ictimaiyyətə açıqlayıb.

"Marja"nın məlumatına görə, Cənubi Koreyanın xəbər agentliyi "Yohap"da yer alan xəbərə görə, şirkətin yeni plan çərçivəsində gələcək 3 ildə 180 trilyon won (təxminən 160 milyard dollar) investisiya yatıracağı bildirilib.

Həmin investisiyanın 130 trilyon won-un (təxminən 120 milyard dollar) Cənubi Koreyada yatırılacağı, investisiyalar sayəsində ölkədə 700 min iş yeri açılacağı qeyd edilib.

Şirkət 25 min nəfər olan işçi sayını 3 ildə 40 min nəfərə çatdıracağı sözünü verib.

MÜHÜM SEKTORLAR

Sərmayələrin 25 trilyon won-luq (22 milyard dollarlıq) hissəsinin süni zəka, 5G mobil rabitə şəbəkəsi, bio-əczaçılıq və avtomobil elektronu kimi böyümə potensialı olan kritik sektorlara yatırılacağı qeyd edilib.

Bu çərçivədə Samsung Cənubi Koreyada yaradacağı mərkəzdə min süni zəka tədqiqatçısını işlə təmin edəcək.

Şirkət, gələcəkdə sürücüsüz avtomobillər, əşyaların interneti və robot proqramlarının inkişafına böyük töhfə verməsi gözlənilən 5G mobil rabitə şəbəkələrinə investisiya qoymağı planlaşdırır.

Süni zəka və 5G, şirkətin gələcək inkişafının "mühərriki" olacaqdır.

Elektron addımların uğursuz olması ehtimalına qarşı bio-əczaçılıq sahəsinə investisiyaların artırılmasına da qərar verilib.

Şirkət, avtomobillər üçün elektron hissələr və ekran sistemləri istehsalında investisiyaların artırılacağını qeyd edib.

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Samsung-un investisiya planları Asiyanın 4-cü böyük iqtisadiyyatı olan Cənubi Koreyanın iqtisadi artımı baxımından həlledici əhəmiyyət daşıyır. Cənubi Koreyada Yaponiya və Almaniyada olduğu kimi texnologiyalar istehsal edən kiçik və orta miqyaslı müəssisələr çox deyil. Bu səbəbdən ölkədə iqtisadi inkişaf və məşğulluq üçün böyük yerli şirkətlərin investisiya xərclərinə əsaslanır.

08.08.2018 12:37

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az