Amerika beynəlxalq elektrikli avtomobil istehsalçısı Tesla-nın Nyu-York birjasından çıxmasının gündəmdə olduğu bildirilib.
 

"Marja" xəbər verir ki, Tesla-nın qurucusu və İcraçı direktoru Elon Musk, "Twitter" hesabından verdiyi açıqlamada, "Tesla-nın bir səhminə 420 dollar ödəyərək birjadan çıxmağı qiymətləndirirəm. Maliyyə həll olunub" -ifadələrini istifadə edib.
 

Həmçinin, "Birjadan çıxmadığımız vəziyyətində, ümid edirəm ki, hazırkı bütün investorlar Tesla-da qalır" qeyd edən Musk, şirkət səhmdarlarının öz səhmlərini 420 dollardan sata biləcəyi və ya şirkətin birjadan çıxması halında səhmlərini əllərində saxlamağa davam edə biləcəklərini qeyd edib.
 

Tesla-nın bir səhminə 420 dollar ödənilərək birjadan çıxması vəziyyətində şirkətin dəyərinin 70,6 milyard dollar olacağı gözlənilir.
 

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

2010-cu ilin İyun ayında Tesla-nın səhmləri Nyu-York birjasına 17 dollardan satışa təqdim olunmuşdu.
 

Səhmdarları şirkətin artan nağd xərclərinə və avtomobillərin vaxtında təslim edilə bilinməməsinə görə Tesla-nı tənqid edirlər. Mütəxəssislər Tesla-nın birjadan çıxması halında bu cür təzyiqlərin bir qisminin şirkətin üzərindən qalxacağını qeyd edirlər.
 

Tesla səhmləri üzrə əməliyyatlar təxirə salındı
 

Elon Musk-ın açıqlamasından sonra Tesla-nın Nyu-Yorkdakı Nasdaq Texnologiya İndeksində əməliyyat görən səhmləri 8,5 faiz artımla 371,15 dollara qədər yüksəlib və şirkətin bazar dəyəri də 62,4 milyard dollara çatıb.
 

Buna baxmayaraq qısa müddət sonra Nasdaq, Tesla səhmləri üzrə əməliyyatları 367 dollardan təxirə saldığını bildirib.
 

"Səudiyyə Ərəbistanı Tesla-nın səhmlərini alacaq" iddiası
 

Tesla ilə bağlı başqa bir xəbər isə "Financial Times" qəzetində verilib.Qəzetin xəbərində, dünyanın ən böyük fondlarından biri olan Səudiyyə Ərəbistanı Dövlət İnvestisiya Fondunun bu il ərzində şirkətin 3- 5% səhmini satın alacağı iddia edilib. Bu məqsədlə 1.7 - 2.9 milyard dollar investisiya yatırılacağı qeyd edilib.