ABŞ-ın ən böyük 8 texnologiya şirkətinin bazar dəyərində azalmalar 3 iş günündə 400 milyard dolları aşıb.
 

"Marja" xəbər verir ki, Nyu-York Birjasında 26-30 İyul tarixləri arasında 3 iş günündə, Facebook, Twitter, Netflix, Amazon, Apple, Microsoft, Intel və Google-ın əsas təşkilatı olan Alphabet-in səhmlərindəki ucuzlaşmalar ilə bu 8 şirkətin bazar dəyərindən azalma 401 milyard dollara çatıb.
 

Sözügedən texnologiya şirkətlərinin səhmlərində ucuzlaşma, ötən çərşənbə günü Nyu-York birjasının bağlanmasının ardından Facebook-un bu ilin aprel-iyun dövrünə dair balansını açıqlaması ilə başlayıb.
 

Facebook-un bu ilin ikinci rübündə əldə etdiyi gəlirin bazar proqnozlarından aşağı olması və Avropadakı gündəlik aktiv istifadəçi sayında azalma görülməsinin ardından, şirkətin səhmləri 19 faiz, bazar dəyəri isə 118 milyard dollar azalıb.
 

Bundan başqa, Twitter-in ötən cümə günü açıqlanan balansında, bu ilin ikinci rübündə əvvəlki rübələ müqayisədə aylıq istifadəçi sayının azaldığı görülüb. 

İki şirkətin bazar dəyərində 229 milyard dollar azalma
 

26 İyul Cümə axşamı ilə 30 İyul Bazar Ertəsi arasındakı 3 iş günündə, sözügedən 8 şirkət arasında ən böyük nisbətdə Twitter-in səhmləri ucuzlaşıb. Bazar dəyərində ən çox  azalma isə Facebook-da olub.
 

Sözügedən dövrdə, Twitter-in səhmləri 29 faiz düşərkən, bazar dəyərində isə 96 milyard dollar azalama abaş verib.Bu tarixlər arasında Facebook-un səhmləri isə 21,3 faiz geriləyərkən, bazar dəyərindən 133 milyard dollar silinib.
 

Beləliklə, dünyanın ən böyük sosial media saytlarından olan Facebook və Twitter-in Nyu-York birjasında 3 əməliyyat günündə bazar dəyərlərində  22azalma 9 milyard dollar olub.

26-30 İyul tarixləri arasında, dünyanın ən iri çip istehsalçılarından olan İntel-in səhmləri 9 faiz, bazar dəyəri də 22 milyard dollar azalıb, beynəlxalq televiziya şəbəkəsi Netflix-in səhmləri 7,7 faiz, bazar dəyəri isə 12 milyard dollar düşüb.
 

Bu dövrdə, Microsoft-un səhmləri 4,9% və bazar dəyəri 42 milyard dollar, dünyanın ən dəyərli ikinci şirkəti mövqeyində olan e-ticarət nəhəngi Amazon-un səhmləri 4,5 faiz və bazar dəyəri 41 milyard dollar azalıb.
 

Google-ın baş təşkilatı Alphabet-in səhmlərinin 3,6% və bazar dəyərinin 31 milyard dollar azalma qeyd etdiyi bu dövrdə, Apple səhmləri isə 2,5 faiz və bazar dəyəri 24 milyard dollar azalıb.
 

Beləliklə, Facebook və Twitter xaricindəki 6 texnologiya şirkətinin bazar dəyərində itki sözügedən 3 iş günündə 172 milyard dollar təşkil edib.

İnvestorların texnologiya sektorunda yenidən alış mövqeyi almağa başlaması ilə, sözügedən 8 texnologiya şirkətinin səhmlərində növbəti günlərdə az da olsa bahalaşma olub.