ABŞ Enerji İnformasiya İdarəsi (EIA) ölkədəki kommersiya (satış) məqsədli xam neft ehtiyatlarının ötən həftə 5,8 milyon barel (1,3 faiz) artımla 438,1 milyon barelə çatdığını açıqlayıb.
 

"Marja" xəbər verir ki, bazar gözləntisi, ehtiyatların 1,5 milyon barrel azalacağı istiqamətində idi. Bir əvvəlki həftə xam neft ehtiyatları 1,4 milyon barel azalmışdı.
 

Kommersiya xam neft ehtiyatlarına daxil olmayan strateji xam neft ehtiyatları isə ötən həftə 0,7 milyon barrel (0,1 faiz) azalaraq 661,3 milyon barrelə enib.
 

ABŞ-ın benzin ehtiyatları ötən həftə 1,9 milyon barel (0,8 faiz) artımla 233,9 milyon barelə yüksəlib.
 

Benzin ehtiyatlarına dair bazar gözləntisi 1,4 milyon barrel azalma görüləcəyi istiqamətində idi. Benzin ehtiyatları əvvəlki həftə 3,8 milyon barrel azalma göstərmişdi.
 

ABŞ-ın xam neft idxalı ötən həftə bir əvvəlki həftəyə nisbətən gündəlik orta hesabla 558 min barel artımla 8,16 milyon barelə qalxıb, xam neft ixracı isə gündəlik orta hesabla 818 min barrel azalma ilə 1,75 milyon barrelə enib.
  
Xam neft hasilatı son 19 həftədə 18 dəfə yüksəlib

Ölkənin xam neft istehsalı isə keçən həftə əvvəlki həftə ilə müqayisədə gündəlik orta hesabla 2 min barel artımla 10 milyon 725 min barrelə çıxıb. Bu nəticə ilə, ölkənin xam neft istehsalı yeni bir rekord səviyyə qeyd edərkən, son 19 həftədə də 18 dəfə artım göstərmişdir.
 

EIA-nın  2018-ci ilin May ayı hesabatına görə, ABŞ-ın builki xam neft hasilatının gündəlik orta hesabla 10,7 milyon barrel olması gözlənilir. Hesabata görə, ABŞ-ın gələn il xam neft hasilatının gündəlik orta hesabla 11,9 milyon barrel olması və dünyanın ən iri xam neft istehsalçısı Rusiyanı geridə qoyacağı nəzərdə tutulur.
 

ABŞ-ın xam neft və benzin ehtiyatlarındakı artımın ardından qlobal bazarda xam neft qiymətləri düşüb.
 

1 GÜNƏ KREDİT ALIN!

Bakı vaxtı ilə saat 22:00-da Brent növü neftin barrel qiyməti 78,23 dollara, ABŞ-ın Qərbi Texas (WTI) tipli xam neftinin barrel qiyməti də 71,27 dollara qədər geriləyib.