InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında EUR/USD məzənnəsi 1.2055$-a kimi ucuzlaşdıqdan sonra 1.2133$-a kimi bahalaşıb. Təhlillərə əsasən, qiymət 1.2173$-ı da yuxarı istiqamətdə qıraraq, üzərində qalarsa, bahalaşma əlavə olaraq 1.2246$ və 1.2305$-a kimi də güclənə bilər.

Avrozonadan çərşənbə günü və cümə axşamı Bakı vaxtı ilə saat 13:00-da müvafiq olaraq açıqlanacaq iqtisadi inkişaf və inflyasiya göstəriciləri də önəmli rol oynayacaqdır. Eyni zamanda, cümə günü saat 16:30-da ABŞ-dan yayımlanacaq əmək bazarı ilə bağlı fundamental göstəricilər də investorların diqqət mərkəzindədir.

GBP

GBP/USD məzənnəsi də keçən həftə ərzində 1.3746$-a kimi 2% ucuzlaşdıqdan sonra yenidən bahalaşmağa başlayıb. Burada qiymətin 1.3700$-ın üzərində qaldıqca, 1.3895 və 1.3987$-a kimi bahalaşa biləcəyi proqnozlaşdırılır.

Bununla yanaşı, çərşənbə axşamı, çərşənbə günü və cümə axşamı saat 12:30-da müvafiq olaraq açıqlanacaq İngiltərənin istehsal, tikinti və xidmət sektorları ilə bağlı statistik göstəricilərin məzənnəyə güclü təsir edəcəyi gözlənilir.

TRY

Türkiyə bazarlarında isə dollar 4.05TL-ın altında ticarət edilməkdədir. Qiymət bu səviyyənin altında qaldıqca, 4.02 və 3.99TL-ə kimi də ucuzlaşa bilər.

Cümə axşamı saat 11:00-da Türkiyədən dərc ediləcək inflyasiya ilə bağlı statistik məlumatlar da məzənnəyə təsiri baxımından önəmli olacaqdır.

OIL

Enerji bazarlarında isə Brent nefti 73.00$-ın üzərində ticarət edilməkdədir və bu səviyyənin üzərində qaldıqca, 75.23$-a kimi də bahalaşa biləcəyi proqnozlaşdırılır. Bu həftənin çərşənbə günü saat 18:30-da yayımlanacaq Amerikanın neft ehtiyatları ilə bağlı statistik məlumatlar da qiymətə güclü təsir edə bilər.

GOLD

Əlvan metallar bazarlarında qızılın bir unsiyası üzrə qiyməti 1326$-a (42.5 $/qram) kimi bahalaşıb və bu səviyyənin üzərində qalarsa, 1334$-a (42.8 $/qram) kimi də dəyər qazana bilər. Dünya birjalarında dolların aparıcı valyutalara nisbətən qiymətlərində ucuzlaşma, qızıl qiymətlərində də özünü göstərə bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin

Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.