Direktoru cəzalandırdılar - 1 DOLLAR MAAŞ ALMADAN İŞLƏDİLƏCƏK

Direktoru cəzalandırdılar - 1 DOLLAR MAAŞ ALMADAN İŞLƏDİLƏCƏK

2014-ci ildə ABŞ-ın ən çox qazanan rəhbəri olan GoPro-nun qurucu İcraçı direktoru Nik Woodman-ın maaş və bonusları idarə heyəti tərəfindən kəsilib.

Məşhur kameralar istehsalçısı GoPro şirkətinin qurucu İcraçı direktoru Nik Woodman, pis keçən 2017-ci ildən sonra idarə heyəti tərəfindən cəzalandırılıb.

VTB-də minimal faiz dərəcəsi ilə nağd kredit 10.49%-dən

"Marja" xəbər verir ki, İdarə heyəti, Woodmanın bu il maaş almamasına və bütün mükafatlarının ləğv edilməsinə qərar verib.

Woodman, idarə heyətinin müəyyən etdiyi hədəfləri təmin edəcəyi halda 2017-ci il üçün şirkətdən 1,2 milyon dollar mükafat əldə edəcəkdi. Ancaq ötən gün açıqlanan illik nəticələrdə, GoPro-nun gözlənildiyindən çox aşağı satışlar, işdən çıxarmalar və çox sürətli böyüyən dronelar bazarından çıxması ilə dolu fiasko bir il keçirdiyi ortaya çıxıb.

GoPro 2017-ci ildə 1,18 milyard dollar gəlir əldə edərkən, ABŞ-da istirahət dövrü olaraq qeyd edilən və Milad alış-verişlərinin aparıldığı dekabr ayında da satışlar 38 faiz düşüb. Şirkətin 2017-ci ildəki xalis zərəri 56 faiz artaraq 182,9 milyon dollara qalxıb.

İdarə heyətinin qərarına görə, 2017-ci ildəki pis fəaliyyəti səbəbindən Woodman ötən il üçün mükafat almayacaq, 2018-ci ildə isə 1 dollar maaş və mükafat almadan çalışacaq

Şirkətin qurucu İcraçı direktoru olan Woodman həmçinin GoPro-nun əksəriyyət səhmlərini əlində saxlayır. 2014-cü ildə GoPro-nun səhmərinin bir hissəsi birjada investorlara satılıb.

Gopro bu ilin əvvəlində bankirlərlə razılaşaraq şirkətin satılması üçün potensial ehtimalları və ssenariləri araşdırmağa başlayıb. Şirkət xərclərini azaltmaq üçün işçilərin 20%-ni ixtisar etməyə hazırlaşır.

27.04.2018 14:41