"AtaBank" ASC 2018-ci ilin 1-ci rübünü 341 min manat xalis mənfəət ilə başa vurub. Bu, 2017-ci ilin 1-ci rübü ilə müqayisədə 3,5 dəfə azdır. “AtaBank” ASC 2017-ci ilin 1-ci rübünü 1 milyon 178 min manat xalis mənfəət ilə bağlamışdı.

GƏLİRLƏRİ ARTIB

"Marja" Bankın maliyyə hesabatlarına istinadən xəbər verir ki, cari ilin yanvar-mart dövründə “AtaBank”ın cəmi gəlirləri 12 milyon 996 min manat, o cümlədən faiz gəlirləri 10 milyon 669 min manat, qeyri-faiz gəlirəri 2 milyon 328 min manat təşkil edib.

 “Caspian Development Bank” qovuşmamışdan öncə, ötən ilin yanvar-mart aylarında “AtaBank”ın cəmi gəlirləri 11 milyon 4 min manat, o cümlədən faiz gəlirləri 9 milyon 704 min manat, qeyri-faiz gəlirləri 1 miyon 300 min manat təşkil etmişdi.

XƏRCLƏRİ DƏ ARTIB

"AtaBank"ın faiz və qeyri-faiz xərcləri 2017-ci ilin 1-ci rübündəki 9 milyon 172 min manatdan 2018-ci ilin 1-ci rübündə 12 milyon 163 min manata qalxıb. Bankın mənfəətinin azalmasına xərclərin artması səbəb olmuşdur. 

2018-ci ilin 1-ci rübündə, xərclər gəlirərdən çıxıldıqdan sonra “AtaBank”ın əməliyyat mənfəəti 834 min manat təşkil edib. Əməliyyat mənfəətinin 493 min manatı aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayrılıb.

2017-ci ilin  ilk rübündə "AtaBank"ın əməliyyat mənfəəti 1 milyon 832 min manat təşkil etmiş, Bank kredit və depozit itkiləri üzrə ehtiyata 645 min manat ayırmışdı.

AKTİVLƏRİ AZALSA DA, KAPİTALI ARTIB 

31 Mart 2018-ci il tarixində "AtaBank" ASC 619 milyon 512 min manat cəmi aktivlərə, 472 milyon 352 min manat cəmi öhdəliklərə və 147 milyon 159 min manat cəmi kapitala malik olub. 

31 Dekabr 2017-ci il tarixində "AtaBank" 625 milyon 860 min manat cəmi aktivlərə, 479 milyon 387 min manat cəmi öhdəliklərə və 146 milyon 473 min manat cəmi kapitala malik idi.

KREDİTLƏR CÜZİ ARTIB

"AtaBank"ın müştərilərə verdiyi kreditlər 464 milyon 34 min manatdan 464 milyon 331 min manata, xalis kreditlər isə 415 milyon 422 min manatdan 416 milyon 400 min manata yüksəlib.

ƏHALİNİN ƏMANƏTLƏRİ ARTIB

İlk 3 ayda "AtaBank"da cəmi depozitlər 329 milyon 408 min manatdan 329 milyon 106 min manata gerilyib. Fiziki şəxslərin müddətli depozitləri isə 258 milyon 150 min manatdan 279 milyon 874 min manata qalxıb