“Nikoil Bank” ASC 2018-ci ilin 1-ci rübünə aid maliyyə göstəricilərini açıqlayıb. Ötən ilin eyni dövrü ilə müqayisədə Bankın cəmi gəlirəri artıb.

“Marja” xəbər verir ki, 2018-ci ilin yanvar-mart dövründə “Nikoil Bank”ın cəmi gəlirləri 17 milyon 973 min manat, o cümlədən faiz gəlirləri 16 milyon 537 min manat, qeyri-faiz gəlirləri 1 milyon 437 min manat təşkil edib.

Eyni dövrdə Bankın faiz və qeyri-faiz xərcləri 9 milyon 380 min manat təşki etmiş və nəticədə bank  8 milyon 592 min manat əməliyyat mənfəəti əldə edib. “Nikoil Bank”  8 milyon 902 min manat aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırma etdiyindən birinci rübü 309 min manat zərər ilə bağlayıb.

2017-ci ilin 1-ci rübündə “Nikoil Bank” ASC 17 milyon 174 min manat faiz gəlir əldə etsə də, qeyri-faiz əməliyyatları üzrə 772,82 min manat zərər etmişdi. Faiz və qeyri-faiz xərcləri çıxıldıqdan sonra Bankın 6 milyon 501 min manat əməliyyat mənfəəti qalmış, əməliyyat mənfəətinin 6 milyon 273 min manatı aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırılmışdı. Nəticədə Bank ilk rübü 227,41 min manat xalis mənfəət ilə başa vurumuşdu.

AKTİVLƏRİ VƏ KAPİTALI ARTIB

31 Mart 2018-ci il tarixində “Nikoil Bank” 488 milyon 369 min manat cəmi aktilərə, 388 milyon 625 min manat cəmi öhdəliklərə və 99 milyon 744 min manat cəmi kapitala malik olub.

Bank ötən ilin sonunda 437 milyon 330 min manat cəmi aktivlərə, 362 milyon 364 min manat cəmi öhdəliklərə və 74 milyon 966 min manat cəmi balans kapitalına malik idi.

“Nikoil Bank”ın banklar da daxil olmaqla maliyyə institutlarındakı depozitləri,qiymətli kağızlara investisiyaları və digər maliyyə institutlarına ayıdığı kreditlər artıb.

Bankın müştərilərə verdiyi kreditlər 2017-ci ilin sonundakı 291 milyon 46 min manatdan 278 milyon 64 min manata düşüb. Bankda depozitlər isə ötən ilin sonundakı 229 milyon 225 min manatdan 250 milyon 38 min manata qalxıb.

Rəqəmlər “Nikoil Bank”ın sabitləşdiyinə işarə edir. Ötən il və bu ilin birinci rübündə nizamanmə kapitalının  artrılması ilə cəmi kapitalın gücləndirilməsi Bankı daha müqavimətli edib.