ABŞ-ın xam neft ehtiyatları azaldı - QİYMƏTLƏR YÜKSƏLDİ

ABŞ-ın xam neft ehtiyatları azaldı - QİYMƏTLƏR YÜKSƏLDİ

ABŞ Enerji İnformasiya İdarəsi (EIA) ölkədəki kommersiya (satış) məqsədli xam neft ehtiyatlarının ötən həftə 4,6 milyon barrel (1,1 faiz) azalaraq 425,3 milyon barrelə gerilədiyini açıqlayıb.

"Marja" xəbər verir ki, bazar gözləntisi, ehtiyatların 1,4 milyon barrel artacağı istiqamətində idi. Bir əvvəlki həftə xam neft ehtiyatları 1,6 milyon artım göstərmişdi.

Kommersiya xam neft ehtiyatlarına daxil olmayan strateji xam neft ehtiyatları ötən həftə dəyişməyərək 665,5 milyon barreldə sabit qalıb.

ABŞ-ın həftəlik benzin ehtiyatları da keçən həftə 1,1 milyon barrel (0,5 faiz) azalaraq 238,5 milyon barrelə enib.

Benzin ehtiyatlarına dair bazar gözlənti 1,3 milyon barrel azalacağı istiqamətində idi. Benzin ehtiyatları əvvəlki həftə 3,5 milyon barrel azalma göstərmişdi.

ABŞ-ın xam neft idxalı da keçən həftə əvvəlki həftəyə nisbətən gündəlik orta hesabla 250 min barrel azalma ilə 7,9 milyon barrelə geriləyərkən, xam neft ixracı isə gündəlik orta hesabla 597 min barel artımla 2,17 milyon barelə çatıb.

XAM NEFT HASİLATI SON 12 HƏFTƏDƏ 11 DƏFƏ YÜKSƏLİB

ABŞ-ın xam neft hasilatı keçən həftə əvvəlki həftə ilə müqayisədə gündəlik orta hesabla 27 min barel artımla 10,46 milyon barelə çatıb. Bu nəticə ilə, ölkənin xam neft hasilatı son 12 həftədə 11 dəfə artım göstərib və rekord səviyyəyə çatıb.

EIA-nın Mart 2018 hesabatına görə, ölkənin bu il xam neft hasilatının gündəlik orta hesabla 10,7 milyon barrel, gələn il isə xam neft hasilatının gündəlik orta hesabla 11,3 milyon barrel olması nəzərdə tutulur.

NEFT QİYMƏTLƏRİ ARTMIŞDIR

ABŞ-ın kommersiya xam neft və benzin ehtiyatlarındakı azalmanın açıqlanmasının ardından qlobal bazarda xam neft qiymətlərində artım baş verib Brent nefti 68,34 dollara, ABŞ-ın Qərbi Texas (WTI) nefti isə 63,65 dollar olub (Bakı vaxtı ilə saat 09:0-a olan məlumat)

05.04.2018 07:06