ABŞ-ın gömrük tarifi tətbiq edəcəyi Çin məhsulları açıqlandı

ABŞ-ın gömrük tarifi tətbiq edəcəyi Çin məhsulları açıqlandı

ABŞ Prezidenti Donald Tramp-ın 25% əlavə gömrük vergisi tətbiq etməyi planlaşdırdığı Çin mənşəli məhsulların siyahısı açıqlanıb.

VTB-də minimal faiz dərəcəsi ilə nağd kredit 10.49%-dən

"Marja" xəbər verir ki, Çinin müdafiə sənayesi, aviasiya və emal sektorlarını hədəf alan siyahıda, ticari dəyəri təxminən 50 milyard dollar olan 1300-ə yaxın məhsul növü var.

ABŞ, Çinin Amerika şirkətlərin texnologiyalarını və əqli mülkiyyətlərini ələ keçərməyə istiqamətlənmiş qeyri-qanuni fəaliyyətlərinə cavab olaraq gömrük vergisi tətbiq edir.

Sənədə görə, Çindən idxal edilən təxminən 1300 məhsula 25% əlavə gömrük tarifi tətbiq ediləcək.

Siyahıda, nüvə reaktorları, toryum və uran birləşmələri, dəmir, polad, alüminium və bunları ehtiva edən metallar, qaz turbini, soba, hava və qaz mayeləşdirən maşınlar, laktik maya, bəzi dərman və peyvəndlər kimi bir çox məhsul çeşidi yer alır.

ABŞ Tİcarət Nümayəndəliyinin (USTR) hazırladığı sənəddə, "Siyahıdakı məhsulların dəyəri, 2018-ci il üçün nəzərdə tutulan ticari dəyərlər çərçivəsində təxminən 50 milyard dollardır. Bu məbləğ, ABŞ iqtisadiyyatına vurulan zərəri və Çinin zərərli davranışlarını, siyasətlərini və tətbiqlərini aradan qaldırmaq baxımından uyğundur" - ifadələri istifadə edilib.

Siyahı Amerikan iş dünyası və ictimaiyyətin ixtiyarına verilib. İrad və tövsiyələr qəbul edildikdən sonra 60 gün ərzində siyahı yenilənəcəkdir.

Mütəxəssislər, Çinin bu məhsullara əks cavabının hər kəs üçün itkiyə gətirib çıxaracaq bir ticarət müharibəsinə səbəb ola biləcəyinə dair xəbərdarlıqlar edirlər.

Çin, ABŞ-ın idxal polad və alüminiuma tətbiq etdiyi əlavə gömrük tariflərinə cavab olaraq ABŞ-dan idxal edilən təxminən 3 milyard dollar məbləğindəki 128 məhsula 15- 25% vergi tətbiq edib.

Qlobal bazarlar iki ölkənin addımlarının bir ticarət müharibəsini başladacağı narahatlıqları ilə dalğalanmış və Birjalar böyük dəyər itkisinə uğramışdı.

04.04.2018 06:41