ABŞ Prezidenti Donald Trampın Baş iqisadi müşaviri Gary Cohn idxal dəmir və alüminiuma tətbiq edilməsi planlaşdırılan gömrük tarifləri səbəbi ilə istefa verib.
 

"Marja" xəbər verir ki, Tramp ilə vidalaşan növbəti ad olan Cohn, vəzifəsindən gedəcəyinə dair xəbərləri vediyi yazılı bəyanatla təsdiq edib.
 

Cohn açıqlamasında, "Ölkəmə xidmət etmək və xüsusən tarixi vergi islahatı kimi amerikalılara fayda verəcək inkişaf tərəfdarı iqtisadi siyasətləri həyata keçirməkdən şərəf duydum. Preident Trampa mənə bu şansı verdiyi üçün minnətdaram. Özünə və rəhbərliyinə gələcəkdə böyük uğur arzulayıram",- ifadələrini istifadə edib.
 

Prezident Tramp isə Cohnun istefasının ardından verdiyi açıqlamada bunları qeyd edib:
 

"Gary, mənim Baş iqisadi müşavirim kimi siyasətlərimizi idarə etmək, tarixi vergi güzəştlərini və islahatlarını həyata keçirməkdə yardım etmək və Amerika iqtisadiyyatını "zəncirlərindən" xilas etməkdə mükəmməl işlər gödü. Özü nadir bir istedaddır və ona Amerikalılara göstərdiyi xidmətlərə görə təşəkkür edirəm".
 

Həmçinin Trump, Twitter hesabından verdiyi açıqlamaqla, Cohnun yerinə gətirəcək adı qısa müddət ərzində açıqlayacağını bildirib.

İSTEFANIN SƏBƏBİ DƏMİR VƏ ALÜMİNİUM TARİFLƏRİDİR

 
Amerika mətbuatında gün ərzində çıxan xəbərlərdə, "həm də Milli İqtisadiyyat Şurasının direktoru olan Gary Cohnun bəzi Respublikaçı Konqres üzvlərilə Trumpı sözügedən gömrük vergilərini tətbiq etməkdən imtina etməyə çalışdığı və səylərinin nəticə verməməsi vəziyyətində vəzifəsindən istefa verəcəyi" qeyd edilmişdi.

 
Tramp, sözügedən xəbərlərin ardından Twitter hesabından, "İnsanlar hər zaman gələr və gedər. Mən son qərarımı vermədən əvvəl güclü bir dialoq olmasını istəyirəm. Hələ də dəyişdirmək istədiyim insanlar var. Xaos yox, sadəcə, böyük enerji var", -ifadələrinə yer verib.

 
Polad və alüminiuma tətbiq ediləcək gömrük tariflərinin "ticarət müharibəsinə" səbəb olacağı bildirilir və ABŞ bazarları bundan naahatdır. Analitiklər, bazarların Cohnun istefasını müsbət qarşılanmayacağını qeyd edirlər.

 
 Ağ Evin Baş iqtisadi müşaviri olmaq üçün "Goldman Sachs"a rəhbərliyindən imtina etmiş Gary Cohn, 500 milyon dolların üzərində olduğu güman edilən sərvətilə Trampın komandasında ən zəngin adlardan biri idi.

Trump, mart ayının əvvəlində verdiyi bəyanatda, ölkəsinin idxal etdiyi dəmirə 25 faiz, alüminiuma isə 10 faiz əlavə gömrük rüsumu tətbiq ediləcəyini bildirmişdir.