“Bank Respublika”nın yeni səhmlərini kim aldığı açıqlandı

“Bank Respublika”nın yeni səhmlərini kim aldığı açıqlandı

Xəbər verdiyimiz kimi, 14 fevral 2018-ci il tarixində yekunlaşmış əməliyyat ilə “Bank Respublika” ASC-nin hər birinin nominal dəyəri 2,45 manat olan 4 081 660 səhmləri yerləşdirilmişdir. Yerləşdirmə nəticəsində Bankın nizamanmə kapitalı 10 milyon 67 min manat artmışdır.

“Marja” xəbər verir ki, bu gün açıqlanmış "İnsayder əqdləri haqqında malumat"a görə, əqd Quliyev Natiq Saday oğlu ilə bağlanmışdır. Yəni, “Bank Respublika” ASC-nin emissiya etdiyi yeni səhmlər mövcud səhmdarlardan biri olan Natiq Quliyev tərəfindən alınmışdır.

Əqddən sonra Natiq Quliyevin “Bank Respublika” ASC-də payı 53,2% təşkil edir. O, bankın 14,793,070 ədəd səhmlərinə malikdir. Bankın cəmi nizamnamə kapitalı hər birinin nominal dəyəri 2,45 manat olan 27535138 ədəd səhmdən ibarətdir.

“Bank Respublika” ASC nizamnamə kapitalını 10 000 067 manat artırdıqdan sonra 67 461 088,1 manata çatıb.

Bankın səhmdarları sırasında Almaniyanın iki tanınmış maliyyə institutu da təmsil olunur – KfW (Almaniyanın Dövlət Bankı) bank qrupunun üzvü DEG İnvestisiya Şirkəti və Sparkassen-Finanzgruppe maliyyə qrupunun üzvü Sparkassen International Development Trust.

Bundan başqa Elçin Saday oğlu Quliyev, Sevda Saday qızı Quliyeva, Saday Əsəd oğlu Quliyev, Mariya Heydər qızı Quliyeva və digər 3 hüquqi və 9 fiziki şəxs də Bankın səhmdarlarıdır. Ümumilikdə Quliyevlər ailəsi Bankın 86%-nə nəzarət edirlər.

“Bank Respublika”nın səhmdarlarının pay bölgüsü
Səhmdarlar	Əvvəl		İndi
Səhmdarlar	Səhm sayı	Faiz nisbəti	Səhm sayı	Faiz nisbəti
"DEG" investisiya şirkəti (Almaniya)	2 548 372	10,8656%	2 548 372	9,2550%
"Sparkassen International Development Trust" şirkəti (Almaniya)	1 274 179	5,4328%	1 274 179	4,6275%
Natiq Saday oğlu Quliyev	10 711 410	45,6709%	14 793 070	53,7243%
Elçin Saday oğlu Quliyev	2 320 331	9,8933%	2 320 331	8,4268%
Sevda Saday qızı Quliyeva	2 221 229	9,4708%	2 221 229	8,0669%
Saday Əsəd oğlu Quliyev	2 196 078	9,3635%	2 196 078	7,9755%
Mariya Heydər qızı Quliyeva	2 150 841	9,1707%	2 150 841	7,8113%
Digər 3 hüquqi və 9 fiziki şəxs	31 038	0,1323%	31 038	0,1127%
Cəmi	23 453 478	100%	27 535 138	100,0000%
Nizamnamə kapitalı	57 461 021,1 manat		67 461 088,1 manat

23.02.2018 13:28

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az