Neft, ABŞ və Liviya ilə bağlı olaraq ucuzlaşıb

Neft, ABŞ və Liviya ilə bağlı olaraq ucuzlaşıb

Neft qiymətləri, ABŞ-da özəl sektorun açıqladığı göstəricinin neft ehtiyatlarında artım olduğunu göstərməsi və Liviyanın daxili ziddiyyətləri aradan qaldırdıqdan sonra istehsalı yenidən yoluna qoyaraq hasilatı 2014-ci ildən bu yana ən yüksək səviyyəsinə çıxarması ilə geriləyib.

Amerika Neft İnstitutunun açıqladığı məlumatlara görə, xam neft ehtiyatları ötən həftə 2.93 milyon barel artıb. Çərşənbə günü açıqlanacaq rəsmi neft ehtiyatları göstəricisinin ardıcıl üçüncü həftədə da artım göstərməsi gözlənilir.

VTB-də yüksək depozit faizləri daha çox qazandırır

OPEC-in hasilatın azaldılması razılaşmasından xaric olan Liviya gündəlik 715,000 milyon barrel neft istehsal edir və istehsal bu il artmaqda davam edəcək.

Neft qiymətləri, Neft İxrac Edən Ölkələr Birliyi (OPEC) və digər 11 istehsalçı ölkənin keçən il qlobal hasilat artığını azaltmaq üçün istehsalı gündəlik 1.8 milyon barrel azaltmaq məsələsində razılığa gəlməsinin ardından 50 dollar üzərində qalıb.

Səudiyyə Ərəbistanı, müqavilənin qüvvəyə mindiyi 1 Yanvardan etibarən istehsal azaldılmasının 80%-dən çoxunun həyata keçirildiyini açıqlayıb.

Digər tətəfdən, Beynəlxalq Enerji Agentliyi, qiymətlərdəki yüksəlişlə bərabər ABŞ-da neft istehsalının artacağı proqnozunu verib. ABŞ-da qazılan neft quyularının sayı keçən həftə 2013-cü ildən bu yana ən sürətli artımını həyata keçirib.

"Liviya və ABŞ-da istehsalın daha da artacağı riski neft üzərində təzyiq yarat",- analitiklər bildirirlər.

Qərbi Texas nefti (WTI), Nymex birjasında 31 sent düşərək bareli 52.87 dollara, Brent Nefti Londonda ICE Futures Europe birjasında 27 sent və ya 0.5 faiz düşərək bareli 55.17 dollara qədər enib.

25.01.2017 05:19

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az