“Bank Standard”ın ləğvedicisi Azərbaycan Əmanətlərin Sığortalanması Fondu (ADIF) Bankın bəzi borclularına güzəşt edir".

Bunu Bankın Kreditorlar Komitəsinin bu gün keçirilən növbəti iclasında qurumun sədri, hüquqşünas Əkrəm Həsənov deyib.

 “Bu, qanunsuz addımdır, həmin pullar kreditorlarındır və heç kimə güzəşt edilməməlidir".

Bundan başqa, hüquqşünas kreditorları “Bank Standard”ın əmlaklarının satışı ilə bağlı keçirilən hərraclarda aktiv iştirak etməyə çağırıb: “Həmin hərraclarda iştirak edin, görün o əmlaklar kimlərə və neçəyə satılır”.

İclasda “Bank Standard”ın Kreditorlar Komitəsinin sədri, hüquqşünas Əkrəm Həsənov, Bankın, təxminən, 50 kreditoru, eləcə də ADIF-in əməkdaşları iştirak ediblər.

Ə.Həsənov bildirib ki, ləğvedici kreditorların pulunun qaytarılmasına nəinki kömək etmir, əksinə, buna mane olur: “Fondun icraçı direktorunun müavini Vüqar Abdullayev söz vermişdi ki, “Bank Standard”da son vəziyyət, onun əmlakları haqqında məlumat versin. Amma o, sözünə əməl etməyib. Həmçinin Bankın növbəti ləğv planı təsdiq edilmək üçün hazır deyil”.

Bundan başqa, sədrin sözlərinə görə, Fond KPMG audit şirkəti ilə işləyir ki, bu da qəbuledilməzdir: “KPMG-nin Azərbaycanın işğal olunmuş Qarabağ bölgəsində “Artsax bank”a xidmət göstərməsi bir yana, digər tərəfdən bu şirkət “Bank Standard”ın əmlakını aşağı qiymətləndirib. Məsələn, KPMG bəyan edib ki, Bankın daşınmaz əmlaklarının dəyəri 40 mln. manatdır. Halbuki, o məbləğ təkcə şəhərin mərkəzindəki baş ofisin qiyməti ola bilər. Bundan başqa, KPMG deyib ki, Bankın 750 mln. manatlıq kredit portfelindən cəmi 150 mln. manatını geri qaytarmaq mümkün olacaq. Fond da bu rəqəmləri cəmləyib bəyan edir ki, ortalıqda 190 mln. manat var və bu pulu da özü götürəcək. Yəni kreditorlara pul çatmayacaq. Kreditorlar Komitəsi buna etiraz edir və hesab edir ki, növbədə birinci Fond deyil, kreditorlar olmalıdır”.

© Report