"Kapital Bank"ın rəhbərliyində dəyişiklik ediləcək, 40 milyonluq səhm buraxılacaq

"Kapital Bank"ın rəhbərliyində dəyişiklik ediləcək, 40 milyonluq səhm buraxılacaq

"Kapital Bank"ın rəhbərliyində dəyişiklik ediləcək, 40 milyonluq səhm buraxılacaq

14 Mart 2018-ci il tarixində "KapitalBank" ASC-nin səhmdarlarının növbəti ümumi yığıncağı keçiriləcəkdir.

VTB-də yüksək depozit faizləri daha çox qazandırır

"Marja" xəbər verir ki, yığıncağın gündəliyinə "KapitalBank" ASC-nin Müşahidə Şurasının tərkibində dəyişikliklər edilməsi, 2017-ci ilin yekunlarına dair maliyyə hesabatlarının təsdiq edilməsi, 2017-ci ilin yekunlarına əsasən səhmdarlara dividend ödənilməsi, Bank tərəfindən 40 milyon manat dəyərində, 15% dərəcəsilə, qeyri-kumulyativ, müddətsiz imtiyazlı səhmlərin buraxılması və digər məsələlər daxildir.

Qeyri-kumulyativ müddətsiz imtiyazlı səhmlər - emissiya şərtlərində geri alınma tarixi olmayan, sahibinin tələbi ilə ödənilməyən, ona gələcəkdə bu hüquqları verməyən, emitentə səhm sahiblərinə dividendlərin verilməməsi barədə qərar qəbul etmək, habelə səhm sahiblərinə əvvəlki ödənilməmiş dividendlər üzrə ödənişlərin alınmasını tələb etmək hüququ verməyən imtiyazlı səhmlər (emissiya şərtlərində dividendlərin məbləği bazar şəraitindən və bankın maliyyə vəziyyətindən asılı olaraq dəyişilməsi nəzərdə tutulursa, bu səhmlər qeyri-kumulyativ müddətsiz imtiyazlı səhmlərə aid edilmir).

Banklar qeyri-kumulyativ müddətsiz imtiyazlı səhmləri məcmu kapitalın artırılması məqsədilə emissiya edirlər. Belə çıxır ki, "Kapital Bank" qeyri-kumulyativ, müddətsiz imtiyazlı səhmlərin buraxılması ilə məcmu kapitalını artırmağı planlaşdırır.

Xatırladaq ki, "Kapital Bank" 2004-cü ildə, Birləşmiş Universal Səhmdar Bankının ("BUS Bank") bazasında yaradılıb. "PAŞA Holdinq" MMC-yə daxil olan Bankın nizamnamə kapitalı hazırda 185,85 milyon manatdır. Onun səhmlərinin 99,87%-i adı çəkilən holdinqə, 0,13%-i isə təxminən 184 fiziki şəxsə məxsusdur.

23.01.2018 04:02

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az