Lökbatanda zavoddakı partlayışla bağlı rəsmi məlumat yayıldı

Lökbatanda zavoddakı partlayışla bağlı rəsmi məlumat yayıldı

Lökbatanda zavoddakı partlayışla bağlı rəsmi məlumat yayıldı

Noyabrın 20-də Bakının Qaradağ rayonunun Lökbatan qəsəbəsində yerləşən “Elit Yatırım” LTD şirkətinə məxsus metal tədarükü, satışı və emalı zavodunun ərazisinə idarə etdiyi yük maşını ilə metal tullantıları gətirən 1964-cü il təvəllüdlü Məmmədov Bəhmən Heydər oğlunun yük maşınının qarşısında dayanarkən əlində mənşəyi məlum olmayan qurğunun partlaması nəticəsində aldığı xəsarətlərdən hadisə yerində ölməsi barədə məlumat daxil olub.

VTB-də yüksək depozit faizləri daha çox qazandırır

Bakı Şəhər Prokurorluğunun mətbuat xidmətindən bildiriblər ki, məlumat əsasında Bakı şəhəri Qaradağ Rayon Prokurorluğunun və polis idarəsinin əməkdaşlarından ibarət istintaq-əməliyyat qrupu, Bakı Şəhər Prokurorluğunun istintaq idarəsinin kriminalistika şöbəsinin, Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) xüsusi mobil əməliyyat qrupunun, Fövqəladə Hallar Nazirliyinin xüsusi riskli xilasetmə xidmətinin əməkdaşlarının, o cümlədən məhkəmə-tibb və Ədliyyə Nazirliyinin Məhkəmə-Ekspertiza Mərkəzinin yanğın və partlayış üzrə ekspertlərinin iştirakları ilə hadisə yerinə və cəsədə baxış keçirilib, digər təxirəsalınmaz prosessual hərəkətlər yerinə yetirilib.

Faktla bağlı rayon prokurorluğunda Cinayət Məcəlləsinin 162.2-ci (Əmək mühafizəsi qaydalarını pozma ehtiyatsızlıqdan insan ölümünə səbəb olduqda) və 224-cü (Partlayıcı, tez alışan maddələrin və ya pirotexniki məmulatın uçotu, saxlanması, daşınması və istifadə edilməsi qaydalarını pozma) maddələri ilə cinayət işi başlanıb və müvafiq ekspertizalar təyin edilib.

Fövqəladə Hallar Nazirliyinin və ANAMA-nın mütəxəssisləri tərəfindən zavodun ərazisində partlayıcı maddələrin, yararsız döyüş sursatının və onların komplekt hissələrinin olub-olmamasının müəyyən edilməsi istiqamətində kompleks yoxlamalar keçirilir. Eyni zamanda, partlamış qurğunun əldə olunduğu metal qəbulu məntəqəsinin və ya digər əldə edilmə mənbəyinin müəyyən edilməsi istiqamətində istintaq-əməliyyat tədbirləri davam etdirilir.

20.11.2017 16:43

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az