Azərbaycanda “Vadaa”ya pulunu etibar edənlər artır
"Vadaa" maskotu ilə tanınan "Worldcard"ı emissiya edən “Yapı Kredi Bank Azərbaycan” 2017-ci ilin 9 ayını 6 milyon 251 min manat xalis mənfəətlə başa vurub. Halbuki, Bank 2016-cı ilin 9 ayı üzrə 5 milyon 258 min manat zərər açıqlamışdı.
“Marja” Bankın maliyyə hesabatlarına istinadən xəbər verir ki, cari ilin yanvar-sentyabr ayları ərzində “Yapı Kredi Bank Azərbaycan”ın cəmi gəlirləri 43 milyon 384 min manat təşkil edib. Bu, ötən ilin eyni dövrü ilə müqayisədə 6,6% azdır. Bank ötən ilin 9 ayında 46 milyon 434 min manat cəmi gəlir əldə etmişdi.
43 milyon 384 min manat gəlirə qarşı Bankın xərcləri 30 milyon 921 min manat təşkil edib. Nəticədə Bankın 12 milyon 463 min manat əməliyyat mənfəəti yaranıb. Bank əməliyyat mənfəətindən 5 milyon 557 min manat aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırıb, 655 min manat mənfəət vergisi ödəyib. Beləliklə, “Yapı Kredi Bank Azərbaycan” cari ilin 9 ayını 6 milyon 251 min manat xalis mənfəətlə bağlayıb.
Qeyd edək ki, 2016-cı ilin 9 ayı ərzində “Yapı Kredi Bank Azərbaycan”ın əməliyyat mənfəəti təxminən 13 milyon manat təşkil etmiş, lakin Bank aktivlər üzrə mümkün zərərlərin ödənilməsi üçün xüsusi ehtiyatın yaradılmasına 18 milyon 793 min manat ayırdığından 5 milyon 258 min manat zərər açıqlamışdı.
“Yapı Kredi Bank Azərbaycan” ehtiyatlara böyük ayırma etdiyinə görə, 2016-cı ili 10 milyon 328 min manat zərər ilə bağlamışdı. Bank, 2017-ci ilin geridə qalan 3 rübünün hər birini xalis mənfəətlə başa vurub. Bu il “Yapı Kredi Bank Azərbaycan”ın ehtiyatlara daha az ayırma etməsi, Bankda problemli kreditlərin artmasının səngidiyinə işarədir. Bu ilin 9 ayında problemli kreditlər cəmi 1 milyon 269 min manat artıb, 3-cü rübdə isə 2-ci rüblə müqayisədə cüzi azalıb.
BANK ARTIQLAMASI İLƏ EHTİYATLANIB
Bankın 169 milyon 462 min manat kredit portfelinin 52 milyon 327 min manatını və ya 31%-ni problemli kreditlər təşkil edib. Eyni zamanda, Bank kreditlər üzrə mümkün zərərlərin ödənilməsi üçün 56 milyon 934 min manat ehtiyata malik olub (1 milyon 658 min manat adi, 55 milyon 276 min manat məqsədli).
KAPİTALI ARTIB
30 Sentyabr 2017-ci il tarixində “Yapı Kredi Bank Azərbaycan” 403 milyon 786 min manat cəmi aktivlərə, 343 milyon 304 min manat cəmi öhdəliklərə və 60 milyon 482 min manat balans kapitalına malik olub.
Bank ötən ilin sonunda 447 milyon 862 min manat cəmi aktivlərə, 392 milyon 166 min manat cəmi öhdəliklərə və 55 milyon 696 min manat cəmi kapitala malik idi. Bankın kapitalı nizamnamə kapitalının artırılması hesabına artıb.
Müqayisə olunan dövrdə, müştərilərə verilən kreditlər 212 milyon 296 min mantdan 169 milyon 462 min manata geriləyib. Bankın qiymətli kağızlara investisiyası isə 16 dəfə artaraq 41 milyon 206 min manat təşkil edib.
Ötən ilin sonu ilə müqayisədə “Yapı Kredi Bank Azərbaycan” da depozitlər 288 milyon 30 min manatdan 302 milyon manata qalxıb. Artımın səbəbi hüquqi şəxslərin tələbli depozitlərinin artmasıdır.
ƏMANƏTLƏR YENİDƏN ARTIR
Dolların sabit qaldığı şəraitdə, Bankda, 2017-ci ilin 3-cü rübündə 2-ci rüblə müqayisədə fiziki və hüquqi şəxslərin müddətli əmanətləri 78 milyon 35 min manatdan 81 milyon 332 min manata yüksəlib.
2017-ci ilin 3-cü rübündə “Yapı Kredi Bank Azərbaycan” digər banklardan götürdüyü 34 milyon 42 min manat krediti tamamilə qaytarıb.
Qeyd edək ki, Yapı Kredi Bank Azərbaycan dünyanın 17 ölkəsində fəaliyyət göstərən bankçılıq qrupunun üzvüdür. Ana səhmdarı UniCredit (İtalya) və Koç Holding (Türkiyə) olan bank, Azərbaycanda bankçılıq sektorunda beynəlxalq təcrübə ilə Bakı və Sumqayıt şəhərlərində yerləşən filialları, 7/24 xidmət göstərən Telefon Mərkəzi və İnternet/Mobil Bankçılıq xidmətləri ilə fəaliyyət göstərməkdədir.
Müştərilərin xəbərləri
SON XƏBƏRLƏR
-
2 ay sonra
Aviabilet • Otel axtarışı • Qrup səyahətləri • Turlar - Xidmətlər bir arada
-
22 saat sonra
Bakıda tələbə və məzunlar üçün karyera festivalı keçiriləcək - ŞİRKƏTLƏR İŞTİRAK EDƏ BİLƏRLƏR
- 18 d. əvvəl
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 24 d. əvvəl
- 25 d. əvvəl
- 26 d. əvvəl
- 41 d. əvvəl
-
52 d. əvvəl
Marketlər şəbəkəsi 3 yox, 5 yox, tam 7 gün endirimlərə start verəcək
-
1 saat əvvəl
Həftəsonu vətəndaşların bank kartlarından 40 min manatdan çox pul oğurlanıb
- 1 saat əvvəl
-
1 saat əvvəl
Trendyol 50 manatdan yuxarı sifarişlərdə çatdırılmanı pulsuz etdi
- 2 saat əvvəl
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Son Xəbərlər

Bakıda tələbə və məzunlar üçün karyera festivalı keçiriləcək - ŞİRKƏTLƏR İŞTİRAK EDƏ BİLƏRLƏR

Qlobal bazarlarda son vəziyyət - GÜNƏ BAXIŞ

Bloomberg: “Shell” “BP”ni almaq imkanını nəzərdən keçirir

Trendyol 50 manatdan yuxarı sifarişlərdə çatdırılmanı pulsuz etdi

Rəsmi məzənnələr açıqlandı
Ən çox oxunanlar

Aviabilet • Otel axtarışı • Səyahətlər • Turlar - Xidmətlər bir arada - YENİ ONLAYN PLATFORMA

Dolların bazar ertəsi üçün rəsmi məzənnəsi müəyyən olunub

AZCON-un icraçı direktoruna müavin təyin edilib
.jpg)
Birbank “Best Private Banking Azerbaijan” mükafatına layiq görüldü

Azərbaycanda buraxılış kartı alan taksilərin sayı açıqlanıb
