"Azərbaycan Beynəlxalq Bankı" ASC-nin (ABB) cəmi aktivləri bu il oktyabrın 1-nə 7 milyard 106,53 milyon manat təşkil edib ki, bu da ilin əvvəli ilə müqayisədə 41,9% azdır.

Bu barədə Bankın rüblük maliyyə hesabatnda bildirilir.

Hesabat əsasən, aktivlərin 1 milyard  604,7 milyon manatını likvid aktivlər, 3 milyard 50,9 mlyon manatını digər banklardakı depozitlər, 268,43 milyon manatını qiymətli kağızlar,  2 milyard 217,4 milyon  manatını isə müştərilərə verilmiş kreditlər təşkil edib. İlin əvvəli ilə müqayisədə ABB-nin kredit portfeli 56% azalıb.

9 ay ərzində Bankın cəmi öhdəlikləri 47,8% azalaraq 6  milyard 739,125 milyon manat olub. Bunun 2 milyard 348 milyon manatını bankların və digər maliyyə institutlarının vəsaitləri, 437,4 milyon manatını fiziki şəxslərin tələbli depozitləri, 2 milyard 375 milyon 421 min manatını hüquqi şəxslərin tələbli depozitləri, 1 milayrd 4,8 milyon manatını fiziki və hüquqi şəxslərin müddətli depozitləri təşkil edib.

Oktyabrın 1-nə ABB-nin xüsusi kapitalı 319,421 milyon manat, cəmi kapitalı isə 367,405 milyon manat təşkil edib.

Bankın biu ilin yanvar-sentyabr aylarını 469,893 milyon manat xalis mənfəətlə başa vurub.

9 ay ərzində maliyyə qurumunun faiz gəlirləri 404,988 milyon manat, faiz xərcləri 273,565 milyon manat, qeyri-faiz gəlirləri 464,541 milyon manat, qeyri-faiz xərcləri 120,254 milyon manat təşkil edib. Son nəticədə ABB-nin xalis əməliyyat mənfəəti 475,711 milyon manat təşkil edib ki, bundan da 5 milyon 818 mn manatı aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayrılıb. 

Xatırladaq ki, ABB 1992-ci ildə yaradılıb. Onun nizamnamə kapitalı 1 milyard 241 milyon 287 min manatdır. Bankın səhmlərinin 76,73%-u Maliyyə Nazirliyinə, 14,56%-i problemli aktivlərin idarə edilməsi ilə məşğul olan “Aqrarkredit” QSC bank olmayan kredit təşkilatına (BOKT), 3,76%-i Əmlak Məsələləri Dövlət Komitəsinə, 04%-i 13 qeyri-dövlət müəssisəsinə, 4,55%-i isə 1 759 fiziki şəxsə məxsusdur. 

© Report, ibar.az