"PAŞA Kapital İnvestisiya Şirkəti" ASC-nin rəhbərliyi yenidən formalaşdırılıb.

Marja.az xəbər verir ki, bu barədə keçirilən mətbuat konfransında Şirkətin Marketinq və Kommunikasiya rəhbəri Gülşən Cumayeva bildirirb.

Onun sözlərinə görə, "PAŞA Kapital İnvestisiya Şirkəti" ASC-də İdarə Heyəti artıq ləğv olunub, tək başına icra orqanı kimi İcraçı direktorluq yaradılıb.  

İsi Mustafayev Baş İcraçı direktor, Elnur Fətullayev Baş İcraçı direktorun müavini təyin edilib.

İş elanları AzVak.az-da

Qeyd edilib ki, artıq "PAŞA Kapital İnvestisiya Şirkəti" ASC-nin yeganə səhmdarı “PAŞA Holding”in yeni törəmə şirkəti olan “PAŞA Maliyyə Holding"idir. 

XXX

İsi Mustafayev, Baş icraçı direktor

Maliyyə bazarları, korporativ və dövlət idarəetməsində 25 ildən artıq peşəkar təcrübə

• İsi Mustafayev maliyyə bazarları, xəzinədarlıq, bank nəzarəti, korporativ və dövlət idarəetməsində 25 ildən artıq peşəkar təcrübəyə malikdir. Azərbaycan Respublikasının Mərkəzi Bankında müxtəlif vəzifələrdə, həmçinin yerli banklarda xəzinədarlıq departamentinin direktoru kimi fəaliyyət göstərib, maliyyə bazarları, FOREX və qiymətli kağızlar üzrə əməliyyatlara rəhbərlik edib. PAŞA Kapital komandasına qoşulmazdan öncə “Azərpoçt” MMC-də baş icraçı direktor vəzifəsində peşəkar fəaliyyətini davam etdirib.

• İsi Mustafayev Azərbaycan Dövlət İqtisad Universitetində bakalavr və MBA təhsili alıb, həmçinin beynəlxalq maliyyə institutları tərəfindən keçirilən ixtisaslaşmış təlimlərdə iştirak edib.

Elnur Fətullayev, Baş icraçı direktorun müavini

Maliyyə məsləhəti, investisiyaların idarəedilməsi və audit sahəsində 14 ildən artıq yerli və qlobal təcrübə

• Elnur Fətullayev maliyyə, investisiya, audit və aktivlərin idarə olunması sahələrində 14 ildən artıq beynəlxalq təcrübəyə malikdir. Peşəkar karyerası ərzində BP, Ernst & Young şirkətlərinin Bakı ofisində, həmçinin Deloitte şirkətinin Avstraliya ofisində 6 il çalışmış, daha sonra FINADCO şirkətində baş icraçı direktor və Azərbaycan İnvestisiya Holdinqində Aktivlərin idarə edilməsi departamentinin rəhbəri vəzifələrini icra etmişdir. 2025-ci ilin dekabr ayından etibarən PAŞA Kapital İnvestisiya Şirkətinin rəhbər heyətinə qoşulmuşdur.

• Bakalavr təhsilini Azərbaycan Dövlət İqtisad Universitetində, magistr dərəcəsini isə Avstraliya Milli Universitetində əldə etmişdir. Maliyyə sahəsi üzrə nüfuzlu CFA sertifikatının sahibidir.