İranın pul vahidi dollar qarşısında tarixi minimumda

İranın pul vahidi dollar qarşısında tarixi minimumda

ABŞ dolları/İran rialı məzənnəsi 1,8 milyon rial səviyyələrinə yüksələrək yeni tarixi ən yüksək səviyyələri görüb. Müharibə başlayandan bəri rialın dəyər itkisi 66%-i keçib.

İranın pul vahidi dollar qarşısında tarixi minimumda

İrana qarşı hücumlardan sonra atəşkəs prosesi davam etsə də, İran rialı dollar qarşısında tarixin ən aşağı səviyyəsinə düşüb.

Marja.az ISNA-ya istinadən xəbər verir ki, ABŞ dolları/İran rialı məzənnəsi 1 milyon 810 min rial səviyyələrinə (1 dollar 181 100 tümənə) yüksələrək yeni tarixi maksimumuna çatıb.

Dollar/rial məzənnəsi ABŞ və İsrayılın İrana hücumlarından əvvəl 1 milyon 80 min rial səviyyəsində idi.

"Son iki gündə bir dolların qiyməti 23 000 tüməndən (230 000 rial) çox artıb ki, bu da misli görünməmiş bir göstəricidir. Avro kimi digər valyutalar da bu yüksəliş tendensiyasını yaşayıb. Bu gün dollar açıq bazarda dilerlər tərəfindən 181 100 tümən qiymətinə satılıb və bazar atmosferi də alış tələbinin əvvəlki günlərlə müqayisədə daha yüksək olduğunu göstərir. Tələbin bu artması valyutanın qiymətinin artmasının səbəblərindən biridir. Avro da açıq bazarda 208 000 tüməndən çox qiymətə ticarət edilib. BƏƏ dirhəmi də hazırda açıq bazarda 50 000 tümənə qədər ticarət olunur",- İRNA-a yazır.

Müharibədə dəyər itkisi 66%-i keçib

Müharibənin başlanmasından bu yana İran rialı 66%-dən çox ucuzlaşıb. İran artan nağd pul ehtiyacını qarşılamaq məqsədilə 10 milyon riallıq ən böyük əskinası dövriyyəyə buraxıb.

İnflyasiya 50%-ə yüksəlib

Ölkədə inflyasiya kəskin artıb. Mart ayının sonuna olan göstəriciyə əsasən inflyasiya 50% səviyyəsindədir. Bir il əvvəl bu rəqəm 37,1% idi.

BVF-nin proqnozu: 6,1% iqtisadi azalma

Beynəlxalq Valyuta Fondu (International Monetary Fund (IMF)) İran iqtisadiyyatının 2026-cı ildə 6,1% azalacağını və inflyasiyanın 68,9% səviyyəsində olacağını proqnozlaşdırır.

Lakin ölkədə məlumatların açıqlanmasının məhdud olması və internet kəsintiləri iqtisadi vəziyyətin dəqiq izlənməsini çətinləşdirir.

Hər gün yeni vakansiyalar - AzVak.az-da

29.04.2026 17:59