(®) Hər uğurun arxasında şübhəsiz ki, böyük hekayələr gizlənir. McDonald’s hekayəsi də kiçik bir mətbəxdən başladı və çox keçmədi ki, hər kəsin sevimli məkanına çevrildi.

Bəs eyni menyu, eyni dad və eyni xidmət modeli dünyanın müxtəlif ölkələrində necə uğur qazana bildi? Cavab olduqca sadədir: McDonald’s təkcə xüsusi reseptləri ilə ağız dadımızı dəyişmədi, qlobal keyfiyyət standartları, operativ xidmət və müasir idarəetmə modeli ilə qida sektorunda öz liderliyini qoruya bildi.

Ötən gün Yasamal rayonu, Şəfayət Mehdiyev küçəsi, 1054-cü məhəllə ünvanında yerləşən McDonald’s restoranı öz mətbəxinin qapılarını xüsusi olaraq mətbuat nümayəndələri üçün açıb. Ləzzətli burger çeşidlərinin hazırlandığı bu məkan qonaqları sözün əsl mənasında təəccübləndirib.

Burada ən müasir avadanlıqlarla təchizat, təzə və keyfiyyətli məhsullar, yüksək gigiyenik şərait ilk baxışdan diqqət çəkib.

“McDonald’s Azərbaycan” şirkətinin Təchizat və Keyfiyyətə nəzarət üzrə direktoru Anar Osmanov bildirib ki, şirkətin Azərbaycandakı bütün filialları rəqəmsal qida təhlükəsizliyi sistemi ilə təchiz olunub. Belə ki, bu sistem vasitəsilə keyfiyyətə və qida təhlükəsizliyinə nəzarət təkcə əməkdaşlar tərəfindən deyil, həm də xüsusi ağıllı texnologiya vasitəsilə həyata keçirilir.

Qeyd edək ki, burada olan hər bir məhsul xüsusi otaqlarda öz temperatur rejiminə və saxlanma şəraitinə uyğun saxlanılır. Əgər anbarda məhsullar üçün təyin olunmuş temperatur rejimində dəyişiklik yaranarsa və ya hər hansı nasazlıq baş verərsə, bir neçə saniyə ərzində rəqəmsal nəzarət sistemi işə düşür və səs siqnalı vasitəsilə xəbərdarlıq edir.

Şirkət üçün prioritet məqamlardan biri də məhsulların keyfiyyəti və təzə halda istehlaka ötürülməsidir. Artıq uzun müddətdir ki, McDonald’s Azərbaycan şirkəti istifadə etdiyi ət məhsullarını yerli bazar vasitəsilə təmin edir və bununla yerli istehsalçıların inkişafına dəstək verir. Bundan əlavə, istifadə edilən müxtəlif souslar və digər məhsullar da yerli və etibarlı tədarükçülərdən təmin olunur.

Əməkdaşlar bildiriblər ki, istehlakçıları tez-tez maraqlandıran suallardan biri də burada istifadə edilən yağlarla bağlıdır. Qeyd edilib ki, McDonald’s qidalarında istifadə olunan yağlar İspaniyadan idxal olunan bitki yağlarıdır və onların keyfiyyəti mütəmadi olaraq nəzarətdə saxlanılır.

McDonald’s sevənlər burada hazırlanan qazlı içkilərin özünəməxsus dada malik olduğunu vurğulayırlar. Hazırlanan bütün isti və soyuq içkilər üçün istifadə edilən su xüsusi filtr aparatından keçdikdən sonra yoxlanılır. Restoranlar qazlı içkilər hazırlayan avadanlıqlarla təchiz olunub və hər içki müştəriyə sifariş əsasında yerində hazırlanır. Menyuya daxil olan məhsullar əvvəlcədən hazırlanılmır — sifarişdən dərhal sonra prosesə başlanılır. Çatdırılma sifarişlərində belə hazırlanan məhsul müəyyən müddət ərzində götürülməzsə, istifadə olunmur. Bu addım məhsulların təzəliyini və keyfiyyətini qorumağa xidmət edir.

Bütün bu qeyd edilən məqamlara McDonald’s müştəriləri bilavasitə şahid ola bilərlər. McDonald’s Azərbaycan şirkəti insanların marağını nəzərə alaraq ölkədaxili bütün restoranlarda yenidən “Açıq Qapı” proqramını təqdim edib. Burada hər bir şəxs McDonald’s-ın rəsmi internet səhifəsi və ya mobil tətbiqi vasitəsilə qeydiyyatdan keçməklə, əvvəlcədən təyin olunmuş vaxtda əməkdaşların müşayiəti ilə restoranın mətbəxinə daxil olub, şəraitlə birbaşa tanış ola bilər. Proqram haqqında ətraflı məlumat və qeydiyyat : https://mcdonalds.az/open-doors 

Günay Camalqızı