Dövlət bankına sədr təyin edildi

Dövlət bankına sədr təyin edildi

“Azər-Türk Bank” ASC-nin səhmdarlarının növbədənkənar ümumi yığıncağının qərarı ilə İdarə Heyətinin üzvü Günel Nəbiyeva Bankın İdarə Heyətinin sədri vəzifəsinə təyin edilib.

Bu barədə Marja.az Azərbaycan İnvestisiya Holdinqindəki mənbəyə istinadən xəbər verir.

VTB-də minimal faiz dərəcəsi ilə nağd kredit 9.9%-dən

Günel Nəbiyeva 2020-ci ildən Azərbaycan İnvestisiya Holdinqində Baş hüquq inzibatçısı və digər rəhbər vəzifələrdə çalışıb. O, ölkənin bank sektorunda 15 ildən artıq zəngin təcrübəyə malikdir. 2006-cı ildən etibarən “Unibank” Kommersiya Bankı ASC-də, o cümlədən Maliyyə Bazarlarına Nəzarət Palatasında (Mərkəzi Bank) müxtəlif rəhbər vəzifələr tutub. 2022-2025-ci illərdə “Azər-Türk Bank” ASC-nin Müşahidə Şurasının tərkibində yer alıb və 2025-ci ilin dekabr ayından Bankın İdarə Heyətinin üzvüdür. Bundan əlavə, Holdinqdəki fəaliyyəti dövründə Azərbaycan Respublikası Prezidentinin müvafiq sərəncamları ilə “Bakı Metropoliteni” QSC və “BakuBus” MMC-nin müşahidə şuralarının üzvü təyin edilib.

Günel Nəbiyeva 2005-ci ildə Bakı Dövlət Universitetinin Hüquq fakültəsinin bakalavr, 2008-ci ildə isə magistr pilləsini bitirib.

Xatırladaq ki, Azərbaycan Respublikası Prezidentinin 28 mart 2024-cü il tarixli Sərəncamı ilə Bankın nizamnamə kapitalında dövlətə məxsus səhmlərin 51%-i SOCAR-a ötürülmüşdür. Hazırda Bankın nizamnamə kapitalının ümumilikdə 75%-i dövlətə (51%-i SOCAR-da olmaqla), 6,55%-i “AzRe Təkrarsığorta” ASC-yə, 5%-i “Qala Həyat Sığorta Şirkəti” ASC-yə, 12,37%-i “T.C. Ziraat Bankası” AŞ-yə və 1.08%-i “Ziraat Bank İnternational” AG-yə məxsusdur. Səhmdarların ümumi yığıncağında dövlət adından qərarların qəbul edilməsi Azərbaycan Respublikasının Prezidenti ilə razılaşdırmaqla həyata keçirilir.

İş elanları AzVak.az-da

Azər-Türk Bank Azər-Türk Bank ASC İdarə Heyətinin sədri Günel Nəbiyeva bank rəhbər təyinatı növbədənkənar ümumi yığıncaq bank idarəçiliyi Azərbaycan bank sektoru Marja.az Azərbaycan İnvestisiya Holdinqi AİH bank sektorunda kadr dəyişikliyi Unibank Kommersiya Bankı Maliyyə Bazarlarına Nəzarət Palatası Mərkəzi Bank Müşahidə Şurası bank idarə heyəti üzvü hüquq sahəsində təcrübə Bakı Dövlət Universiteti hüquq fakültəsi bank menecmenti SOCAR dövlət bankı nizamnamə kapitalı dövlət payı AzRe Təkrarsığorta Qala Həyat Sığorta T.C. Ziraat Bankası Ziraat Bank International səhmdar strukturu bank səhmdarları Prezident sərəncamı maliyyə sektoru xəbərləri

21.01.2026 13:24