AZAL-dan Gürcüstana səfər edənlərə tövsiyə - Bu sənəd tələb olunacaq

AZAL-dan Gürcüstana səfər edənlərə tövsiyə - Bu sənəd tələb olunacaq

Gürcüstana gedənlərin nəzərinə!

AZAL-dan Gürcüstana səfər edənlərə tövsiyə - Bu sənəd tələb olunacaq

1 yanvar 2026-cı il tarixindən etibarən Gürcüstana daxil olan bütün xarici vətəndaşlar ölkədə qaldıqları müddət ərzində qüvvədə olan tibbi sığortaya malik olmalıdırlar.

Qaydalar Gürcüstana turizm, işgüzar və ya tranzit məqsədilə daxil olan bütün xarici vətəndaşlara şamil olunur.

Azərbaycanın milli aviadaşıyıcısı AZAL 1 yanvar 2026-cı il tarixindən sonra Gürcüstana səfər etməyi planlaşdıran sərnişinlərə səyahətə hazırlıq zamanı yeni tələbləri əvvəlcədən nəzərə almağı və uçuşdan öncə tibbi sığortanı rəsmiləşdirməyi tövsiyə edir.

Müəyyən edilmiş tələblərə əsasən, xarici vətəndaşlar ölkədə olduqları bütün müddət ərzində, yəni giriş tarixindən çıxış tarixinədək qüvvədə olan tibbi sığorta və bədbəxt hadisələrdən sığorta polisinə malik olmalıdırlar. Sığorta təminatının minimum məbləği 30 000 gürcü larisi (GEL) təşkil etməlidir.

Sığorta Gürcüstanın və ya xarici ölkələrin sığorta şirkətləri tərəfindən təqdim edilə bilər. Sənəd elektron və ya kağız formada təqdim olunmalı, gürcü və ya ingilis dilində tərtib edilməlidir.

Sığorta aşağıdakı məlumatları özündə əks etdirməlidir:

• Sığorta müqaviləsinin tərəfləri;

• Sığorta müqaviləsinin qüvvədə olduğu ərazi;

• Sığortanın predmeti;

• Sığorta təminatının qüvvəyə minmə və bitmə tarixləri;

• Sığorta riskləri;

• Sığorta təminatının məbləği (limitlər);

• Sığorta haqqının məbləği;

• Ödənişin yeri və şərtləri.

Yeni tələb Gürcüstanın “Turizm haqqında” Qanununa əsasən tətbiq edilir. Gürcüstan hökumətinin “Gürcüstana gələn turistlərin icbari sağlamlıq və bədbəxt hadisələrdən sığorta qaydaları və şərtlərinin təsdiq edilməsi haqqında” qərarı 1 yanvar 2026-cı il tarixində qüvvəyə minir.

İş elanları AzVak.az-da

Gürcüstana səyahət qaydaları Gürcüstana giriş tələbləri 2026 tibbi sığorta tələbi icbari tibbi sığorta Gürcüstan xarici vətəndaşlar üçün sığorta Gürcüstan turizm qanunu Gürcüstana turist girişi işgüzar səfər Gürcüstan tranzit səfər Gürcüstan səyahət sığortası bədbəxt hadisələrdən sığorta 30 000 GEL sığorta təminatı Gürcüstan sığorta qaydaları tibbi sığorta sənədləri elektron sığorta polisi AZAL xəbərdarlıq AZAL sərnişin tövsiyəsi Gürcüstana uçuş qaydaları səyahətə hazırlıq 1 yanvar 2026 qaydaları Gürcüstan hökumət qərarı Gürcüstana gedənlər üçün sığorta xarici turistlər üçün tələblər Gürcüstan turizm qaydaları səyahət təhlükəsizliyi beynəlxalq səyahət sığortası Gürcüstan qanunvericiliyi turizm xəbərləri Azərbaycan

26.12.2025 15:05