“AzInTelecom” Azərbaycanda ilk Superkompüter Mərkəzi qurub - VİDEO

“AzInTelecom” Azərbaycanda ilk Superkompüter Mərkəzi qurub - VİDEO

“AzInTelecom” Azərbaycanda ilk Superkompüter Mərkəzi qurub - VİDEO

AZCON Holding şirkətlərindən olan “AzInTelecom” MMC Azərbaycanda Superkompüter Mərkəzi qurub.

Azərbaycan Respublikası Prezidentinin 2025-ci il 19 mart tarixli Sərəncamı ilə təsdiq edilmiş “Azərbaycan Respublikasının 2025 – 2028-ci illər üçün süni intellekt Strategiyası”na əsasən Mərkəz süni intellekt layihələrinin həyata keçirilməsi, Azərbaycanın süni intellekt sahəsində inkişafını sürətləndirmək və rəqəmsal inkişafa təkan vermək məqsədilə yaradılıb.

VTB-də minimal faiz dərəcəsi ilə nağd kredit 9.9%-dən

Əsasən innovasiya subyektləri, biznes və dövlət layihələri üçün nəzərdə tutulan Mərkəzdə “NVIDIA H200 GPU” çiplərindən istifadə edilməklə adi kompüterdən dəfələrlə güclü olan, böyük miqdarda məlumatı yüksək sürətlə emal edə bilən yüksək performanslı (Hyper Performance Computer – HPC) kompüterlər yerləşdirilib.

Superkompüter Mərkəzinin yaradılması ölkədə süni intellekt ekosisteminin inkişafı baxımından strateji əhəmiyyət daşıyır. Belə ki, yüksək performanslı Qrafik Proses Modulu (Graphics Processing Unit – GPU) çipləri üzərində qurulan Mərkəz böyükhəcmli məlumatların emalı ilə süni intellekt modellərinin sürətli işləməsini təmin edən texnoloji infrastruktur rolunu oynayacaq. Bu infrastruktur sayəsində yerli süni intellekt layihələrinin xarici resurslardan asılılıq olmadan ölkə daxilində inkişaf etdirilməsi mümkün olacaq. Dövlətə məxsus məlumatların emalı üçün daha təhlükəsiz mühit formalaşacaq və bu potensial Azərbaycanın regionda süni intellekt üzrə rəqabətə davamlılığını təmin edəcək.

Hazırda Superkompüter Mərkəzinin fəaliyyətinin genişləndirilməsi məqsədilə yeni “GPU” çiplərinin alınması istiqamətində müvafiq işlər davam etdirilir.

Qeyd edək ki, “AzInTelecom” ölkənin ən böyük “bulud” xidmətləri provayderi, həmçinin “Hökumət buludu” layihəsinin icraçısıdır. Hazırda Bakı və Yevlax şəhərlərində “AzInTelecom”a məxsus “TIER III” sertifikatlı iki data mərkəzi fəaliyyət göstərir. Abşeron və Hacıqabul rayonlarında daha iki data mərkəzinin tikintisi isə davam edir.

azintelecom azconholding superkompütermərkəzi superkompüter ilk_superkompüter azərbaycandasüniintellekt süniintellekt ai aistrategiyası 2025_2028aistrategiyası prezidentsərəncamı innovasiya innovasiyasubyektləri texnologiya reqəmsalinkişaf hpc hyperperformancecomputer nvidiah200 gpu qrafikprosesmodulu yüksəkperformanslıhesablama böyükkütləlumatemalı dataprocessing texnolojiinfrastruktur aiinfrastruktur ailayihələri yerliaiproqramlar verilənləritəhlükəsizliyi dövlətməlumatları buludxidmətləri cloudservices hökumətbuludu datamərkəzi tieriii bakıdatamərkəzi yevlaxdatamərkəzi abşerondatamərkəzi hacıqabuld atamərkəzi regionalrəqabət azərbaycantexnologiya ictsektoru

15.12.2025 10:51