Bakıdan daha bir Avropa şəhərinə birbaşa uçuşlara başlanılacaq

Bakıdan daha bir Avropa şəhərinə birbaşa uçuşlara başlanılacaq

Azərbaycan Respublikasının Prezidenti İlham Əliyevin Slovakiyaya rəsmi səfəri çərçivəsində Slovakiya Prezidenti və Baş naziri ilə görüşlərdə əldə olunan razılığa uyğun olaraq, “AZCON Holding”ə daxil olan “Azərbaycan Hava Yolları” QSC-nin rəhbərliyi ilə Macarıstanın “Wizz Air” aviaşirkəti arasında Azərbaycan ilə Mərkəzi və Şərqi Avropa ölkələri arasında uçuş marşrutlarının genişləndirilməsi üzrə işçi görüşü keçirilib.

AZAL-dan bildirilib ki, görüşdə Bakı – Bratislava (Slovakiya) birbaşa reyslərinin açılması, habelə Buxarest (Rumıniya) və Varşava (Polşa) istiqamətlərinin marşrut şəbəkəsinə əlavə olunması məsələləri müzakirə edilib.

VTB-də minimal faiz dərəcəsi ilə nağd kredit 10.49%-dən

Tərəflər, eyni zamanda “Wizz Air” uçuşlarının Azərbaycanın regional hava limanlarında icrası və mümkün bazalanma imkanlarını qiymətləndiriblər. Bu yanaşma regionlarda turizmin inkişafı, işgüzar mobilliyin genişləndirilməsi və beynəlxalq əlaqələrin gücləndirilməsi üçün yeni impuls yaradır.

Yaxın zamanda reyslərin icrasına başlanılması planlaşdırılır. İlk mərhələdə Bratislava, Buxarest və Varşava istiqamətlərində reyslərin icrası nəzərdə tutulur.

“Azərbaycan Hava Yolları” QSC və "Wizz Air" aviaşirkəti yeni marşrutların açılması istiqamətində real irəliləyiş əldə edərək növbəti mərhələləri fəal şəkildə müzakirə etməyə davam edəcək. Məqsəd sərnişinlər üçün daha geniş, rəqabətqabiliyyətli və əlçatan marşrut şəbəkəsi yaratmaqla Azərbaycanın mülki aviasiya sektorunun regional və qlobal mövqelərini daha da möhkəmləndirməkdir.

İlhamƏliyev SlovakiyaSəfəri AZAL AZCONHolding WizzAir işçigörüşü uçuşmarşrutlarınıngenişləndirilməsi BakıBratislavaReysi BuxarestReysi VarşavaReysi MərkəzivəŞərqiAvropaUçuşları AZALWizzAirƏməkdaşlıq regionalhavalimanları bazalanmaimkanları turizmininkişafı beynəlxalqəlaqələr işgüzarmobillik yenimarşrutlar BratislavaBuxarestVarşavareysləri marşrutşəbəkəsininböyüdülməsi mülkiaviasiya regionalmövqe qlobalmövqe aviadaşımalarıninkişafı

10.12.2025 23:24