Bakı metropoliteni xətlərində daha 15 yeni vaqon istismara buraxıldı

Bakı metropoliteni xətlərində daha 15 yeni vaqon istismara buraxıldı

Bakı metropoliteni xətlərində daha 15 yeni vaqon istismara buraxıldı

AZCON Holding şirkətlərindən olan Bakı Metropoliteni xidmət keyfiyyəti və sərnişin məmnuniyyətini artırmaq məqsədilə müasir qatar parkını genişləndirməkdə davam edir.

VTB-də yüksək depozit faizləri daha çox qazandırır

Ən yeni texnologiyalar əsasında hazırlanmış sonuncu - dördüncü nəslə mənsub daha 3 qatar - 15 vaqon metropoliten xətlərində istismara buraxılıb.

Bu məqsədlə “Nərimanov” elektrik deposuna mediatur təşkil olunub.

Mediaturda bildirilib ki, Bakı metropoliteninin texniki tələbləri nəzərə alınmaqla hazırlanmış yeni vaqonların müasir mikroiqlim sistemi (kondisioner) ilə təchiz edilməsi, vaqonlararası birbaşa keçidlə sərnişin tutumunun 15 faiz artırılması, qapıların daha enli olması, açılıb-bağlanan zaman işıqlı xəbərdarlıq indikatorları ilə təmin olunması sərnişinlər üçün mühüm əhəmiyyət kəsb edən əsas üstünlüklərdir.

Vaqonlarda ayaq üstə dayanan sərnişinlər üçün çoxfunksiyalı zonalar, iri yüklər və uşaq arabaları üçün sahələr mövcuddur. Metrodan istifadənin hər kəsə əlçatan olması nəzərə alınaraq baş vaqonlar əlil arabalarının yerləşdirilməsi üçün xüsusi yerlərlə təmin edilib.

Yeni qatarların baş vaqonları 38, orta vaqonlarının hər biri 44 oturacaqlıdır. Baş vaqonda ümumilikdə sərnişin tutumu 315, orta vaqonlarda isə 329 nəfərdir.

Vaqonlarda təzyiqin tənzimlənməsi və ultrabənövşəyi lampalarla havanın bioloji təmizlənməsi sistemləri, həmçinin sərnişinlərin elektron qurğuları doldurması üçün USB yuvacıqlar mövcuddur.

Vaqonlarda daxili və xarici videomüşahidə sistemləri var ki, bu, maşinistə qatarı bütünlüklə nəzarətdə saxlamağa, istənilən sahəni idarəetmə pultunun monitorunda daha yaxından müşahidə etməyə və ətrafındakı vəziyyəti qiymətləndirməyə imkan verir.

İşıqdiodlu cihazların tətbiqi elektrik enerjisi sərfiyyatını 50 faiz azaltmaqla istismar müddətini 75 faiz artırır.

Yeni qatarlar xəttə bu il istismar müddəti başa çatan əvvəlki nəsil vaqonların əvəzinə verilib.

Qeyd edilib ki, hazırda sazlama və komplektləşdirmə işləri aparılan daha 15 vaqon 2025-ci ilin sonunadək xətlərə buraxılacaq. Bununla da Bakı metropolitenində yeni nəsil vaqonların sayı 180-ə (36 qatar tərkibi) çatdırılacaq.

Dövlət Proqramına uyğun olaraq, 2030-cu ilədək, ümumilkdə 299 yeni nəsil vaqon alınması nəzərdə tutulur.

Bakı Metropoliteni AZCON Holding yeni nəsil qatarlar dördüncü nəsil vaqonlar metro vaqonları müasir qatar parkı sərnişin məmnuniyyəti xidmət keyfiyyəti Nərimanov elektrik deposu mediatur mikroiqlim sistemi kondisioner sərnişin tutumu enli qapılar işıqlı indikatorlar əlil arabası yerləri çoxfunksiyalı zonalar uşaq arabaları üçün sahə oturacaq sayı təzyiq tənzimləmə sistemi havanın bioloji təmizlənməsi ultrabənövşəyi lampalar USB yuvacıqlar videomüşahidə sistemi LED işıqlandırma enerji səmərəliliyi istismar müddəti metro təhlükəsizliyi Bakı metrosu yenilənmə 2025 planı yeni vaqonların istismarı Dövlət Proqramı 2030 299 yeni vaqon metro infrastrukturunun inkişafı sərnişin rahatlığı şəhər nəqliyyatında modernizasiya.

07.11.2025 12:59

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az