Sahibkarlar qeyri-yaşayış obyektlərinin sənədləşdirilməsi ilə bağlı yaradılan imkandan istifadə edə bilərlər

Sahibkarlar qeyri-yaşayış obyektlərinin sənədləşdirilməsi ilə bağlı yaradılan imkandan istifadə edə bilərlər

Sahibkarlar qeyri-yaşayış obyektlərinin sənədləşdirilməsi ilə bağlı yaradılan imkandan istifadə edə bilərlər

Azərbaycan Respublikası Prezidentinin “Qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı əlavə tədbirlər haqqında” 14 iyun 2023-cü il tarixli Fərmanının icrasına başlanıldığı dövrdən 14.10.2025-ci il tarixinədək 18.523 müraciət daxil olub. İstismara qəbul olunmuş 4.956 obyektin 3.931-nə dövlət reyestrindən çıxarış verilib.

Əmlak Məsələləri Dövlət Xidmətinin yaydığı mumatda bildirilir ki, tikinti-quraşdırma işləri 2023-cü il iyunun 1-dək başa çatmış, şəhərsalma və tikinti qanunvericiliyinin ayrı-ayrı tələblərinə tam riayət olunmadan inşa olunmuş qeyri-yaşayış təyinatlı obyektlərin sənədlərinin qəbulu prosesi müvafiq icra hakimiyyəti orqanları tərəfindən hazırda davam edir və bu müddət 1 yanvar 2026-cı il tarixində başa çatır.

VTB-də yüksək depozit faizləri daha çox qazandırır

Sahibkarlardan xahiş olunur ki, bu müddətədək tələb olunan sənədlərlə müraciət etsinlər və mövcud imkandan yararlansınlar.

Qeyri-yaşayış binalarına mülkiyyət hüququnu təsdiq edən sənədlərin verilməsi sahibkarlıq fəaliyyətinin genişləndirilməsinə, daşınmaz əmlak bazarının canlanmasına geniş imkanlar yaradır. Belə ki, sahibkarlar mülkiyyət hüququ dövlət qeydiyyatına alınmış əmlakını girov, sığorta, alqı-satqı və digər əməliyyatlar üçün istifadə edə bilərlər. Fərmanın icrası qeyri-yaşayış təyinatlı tikinti obyektlərinin təhlükəsiz istismarının təmin edilməsi baxımından da xüsusi önəm kəsb edir.

Bildirilib ki, sözügedən Fərmanda edilmiş dəyişikliyə əsasən bu cür obyekt sahibləri 1 yanvar 2026-cı ilədək tələb olunan sənədlərlə Fövqəladə Hallar Nazirliyinin regional mərkəzlərinə müraciət edə bilərlər.

qeyri-yaşayış təyinatlı obyektlər istismar icazəsi Fərman 14 iyun 2023 Əmlak Məsələləri Dövlət Xidməti müraciətlər dövlət reyestri çıxarış tikinti-quraşdırma işləri şəhərsalma qanunvericiliyi sənəd qəbulu icra hakimiyyəti orqanları 1 yanvar 2026 sahibkarlıq mülkiyyət hüququ daşınmaz əmlak bazarı girov sığorta alqı-satqı əməliyyatları təhlükəsiz istismar Fövqəladə Hallar Nazirliyi regional mərkəzlər

23.10.2025 11:58

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az