Qatar ilə Bakı–Ağdam–Bakı üzrə sərnişin daşımalarına start verilir - QİYMƏTLƏR

Qatar ilə Bakı–Ağdam–Bakı üzrə sərnişin daşımalarına start verilir - QİYMƏTLƏR

AZCON Holding şirkətlərindən olan “Azərbaycan Dəmir Yolları” QSC 30 avqust tarixindən Bakı–Ağdam–Bakı marşrutu üzrə sərnişin daşımalarına start verir.

Marja.az “Azərbaycan Dəmir Yolları”na (ADY) istinadən xəbər verir ki, sərnişinlərə İsveçrənin “Stadler” şirkətinin istehsalı olan “FLIRT” markalı müasir qatarlarla xidmət göstəriləcək.

VTB-də minimal faiz dərəcəsi ilə nağd kredit 9.9%-dən

Hərəkət cədvəlinə əsasən, qatar şənbə günləri Bakıdan saat 07:10-da yola düşəcək, Ağdama 11:53-də çatacaq. Ağdamdan saat 18:20-də çıxan qatar isə saat 22:55-də Bakı Dəmiryol Vağzalında olacaq.

Sərnişinlər marşrut üzrə Bakı, Biləcəri, Ucar, Ləki, Yevlax, Bərdə, Köçərli, Təzəkənd və Ağdam stansiyalarından istifadə edə biləcəklər.

Sərnişinlərə standart, standart+, biznes və birinci siniflər üzrə səyahət imkanları təklif olunacaq. Bakıdan Bərdə və Köçərli stansiyasına, Təzəkənd dayanacağına biletlərin minimum qiyməti 12 AZN, Ağdam Dəmir Yolu və Avtovağzal Kompleksinə isə 12,80 AZN təşkil edir.

Səfər zamanı qatarda ödənişsiz “Wi-Fi” xidmətindən yararlanmaq mümkün olacaq.

Bakı–Ağdam–Bakı marşrutu üzrə biletləri 27 avqust tarixindən ADY-nin veb-saytından, “ADY Mobile” tətbiqindən və dəmiryol kassalarından əldə etmək olar.

İşğaldan azad edilmiş ərazilərə qatarla komfortlu səfərlərin təşkili məqsədilə Bakı–Ağdam–Bakı marşrutu üzrə bilet alışı zamanı portaldan avtomatik icazə təmin olunacaq.

Xatırladaq ki, işğal dövrünə qədər Bakıdan Ağdama kimi sərnişin daşımaları Bakı–Xankəndi–Bakı marşrutu üzrə hərəkət edən yataq tipli qatarla həyata keçirilirdi. Qatarlar Bakı–Ağdam–Bakı istiqamətində sonuncu dəfə 1993-cü ildə hərəkət edib. Həmin vaxt qatarla Ağdama kimi 371 km olan məsafə 8 saat yarıma qət edilirdi.

Qeyd edilib ki, Bakı–Ağdam–Bakı dəmir yolu Qarabağ iqtisadi rayonunda ictimai nəqliyyatın əlçatanlığını artırmaqla yanaşı, Ağdam və ətraf rayonların sosial-iqtisadi dirçəlişinə, Azərbaycanın bu bölgədə nəqliyyat imkanlarının genişlənməsinə, bütövlükdə Böyük Qayıdışa mühüm töhfə verəcək.

AZCON Holding Azərbaycan Dəmir Yolları ADY Bakı–Ağdam–Bakı marşrutu sərnişin daşımaları FLIRT qatarı Stadler hərəkət cədvəli Bakı Dəmiryol Vağzalı Ağdam Biləcəri Ucar Ləki Yevlax Bərdə Köçərli Təzəkənd stansiyalar bilet qiymətləri siniflər standart standart+ biznes birinci sinif Wi-Fi xidməti ADY Mobile dəmiryol kassaları icazə portalı işğaldan azad edilmiş ərazilər Bakı–Xankəndi–Bakı marşrutu yataq tipli qatar 1993 Qarabağ iqtisadi rayonu ictimai nəqliyyat sosial-iqtisadi dirçəliş nəqliyyat imkanları Böyük Qayıdış

27.08.2025 11:36