Bakıda tələbələr üçün yataqxana yaradılıb - OTAQ QİYMƏTLƏRİ

Bakıda tələbələr üçün yataqxana yaradılıb - OTAQ QİYMƏTLƏRİ

Bakıda, "Koroğlu" mtero stansiyası yaxınlığında yerləşən Atletlər kəndində "Zeon Campus" adlı tələbələr üçün şəhərcik (yataqxana) yaradılıb.

Marja.az xəbər verir ki, "Zeon Campus" əsasən Bakıda yerləşən universitetlərdə təhsil alan tələbələr üçün nəzərdə tutulub. Həm yerli, həm də xarici tələbələr burada qalmaq üçün müraciət edə bilərlər. Burada tələbələrin ehtiyac və seçimlərinə uyğun olaraq tək və iki nəfərlik otaqlar mövcuddur. Hər otaq tam təchiz olunmuş şəkildə təqdim olunur və kondisioner, yüksək sürətli Wi-Fi və hamam ilə təmin olunur. Mətbəx kimi ümumi istifadədə olan sahələrdə isə soba, soyuducu, çaydan və digər avadanlıqlar mövcuddur.

"Zeon Campus"ın əsas məqsədi yalnız yataqxana təklif etmək deyil, eyni zamanda tələbələrin şəxsi və akademik inkişafını dəstəkləyəcək güclü bir icma yaratmaqdır. Bildirilir ki, burada rahat otaqlar, təhlükəsiz mühit və aktiv sosial həyat var. Üstəlik, Koroğlu metrosuna cəmi 5 dəqiqəlik məsafədə yerləşir.

"Zeon Campus" iddia edir ki, kirayə ev dərdi artıq keçmişdə qaldı. "Zeon Campus" ilə tələbə həyatı indi daha asandır.

QİYMƏTLƏR

İki nəfərlik Standart otağın aylıq qiyməti 150-250 manatdır. Evlər 3 və 4 otaqlıdır. Evdə tam təchiz olunmuş mebellər, Wi-Fi, kondisioner, mətbəx, paltaryuyan və ütü var. Mətbəx ümumidir və hər otaq sanitar qovşağı ilə təmin edilib.

Tək nəfərlik Standart otağın qiyməti isə 300-400 manat civarındadır. Bu otaqların yerləşdiyi evlər də 3 və 4 otaqlıdır. Evdə tam təchiz olunmuş mebellər, Wi-Fi, kondisioner, mətbəx, paltaryuyan və ütü var. Mətbəx ümumidir və hər otaq sanitar qovşağı ilə təmin edilib.

Qiymətlərə elektrik, su, internet, təmizlik və digər kommunal ödənişlər daxildir.

zeon-campus kampus yataqxana tələbə bakı otaq qiymət kirayə metro elektrik su internet təmizlik kommunal ödənişlər

18.08.2025 10:07

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az