Azərbaycanlı inşaatçıların adları bir gün qlobal səhnədə səslənəcək – Məzunlar Assosiasiyası bu yolda onları dəstəkləyəcək

Azərbaycanlı inşaatçıların adları bir gün qlobal səhnədə səslənəcək – Məzunlar Assosiasiyası bu yolda onları dəstəkləyəcək

Azərbaycanlı inşaatçıların adları bir gün qlobal səhnədə səslənəcək – Məzunlar Assosiasiyası bu yolda onları dəstəkləyəcək

“PMD Projects” MMC-nin direktoru və Azərbaycan Memarlıq və İnşaat Universitetinin Məzunlar Assosiasiyasının İdarə Heyətinin sədri Nəriman Topçibaşev universitetin “Məzun günü”ndə çıxış edib.

O, təhsil müəssisələri, istehsalat və məzunlar arasında bir körpünün mövcud olmasının vacib olduğunu qeyd edib.

Nəriman Topçibaşev bildirib ki, Məzunlar Assosiasiyası təhsil və istehsalat arasında körpü rolunu oynamaqla mühüm əhəmiyyət daşıyır. O, assosiasiyanın sədri olaraq bu istiqamətdə bir sıra faydalı təşəbbüslərin həyata keçirmək niyyətində olduğunu vurğulayıb.

Bu təşəbbüslərə tələbələrin bilik və bacarıqlarını real iş mühitinə daha sürətli uyğunlaşdırmaq üçün mentorluq proqramlarının təşkili, tələbələrin əmək bazarına daha hazırlıqlı çıxmalarına şərait yaratmaq üçün seminar və master-klassların təşkili, innovativ ideyaları dəstəkləyən inkubasiya proqramlarının həyata keçirilməsi daxildir.

Əlavə olaraq Nəriman Topçibaşev qeyd edib ki, hazırda ölkəmizdə peşəkar mühəndislər, memarlar, konstruktorlar və idarəçi kadrların sayı artıb:

“Artıq zaman yetişib ki, biz öz mütəxəssislərimizə etibar edək, yerli kadrların potensialını tam dəyərləndirək və ölkəmizin gələcəyini onlara həvalə edək.

Niyə də Zaha Hadid, Con Roblinq, Cozef Straus, Santiaqo Kalatrava kimi inşaat dünyasında iz qoymuş adlarla yanaşı bir gün azərbaycanlı bir memar, bir mühəndisin, bir inşaatçının da adı çəkilməsin?

Əgər bu günün tələblərinə doğru yönəlsək, üzərimizdə dayanmadan işləsək, dünyaya səs salan azərbaycanlı inşaatçılar, memarlar, mühəndislər yetişəcək və bir gün onların da adı qlobal səhnədə əks-səda verəcək.

Azərbaycan Memarlıq və İnşaat Universitetinin Məzunlar Assosiasiyası olaraq məqsədimiz məhz belə gənclərin formalaşmasına dəstək olmaq, onları lazımi bilik və təcrübə ilə təmin etməkdir”.

02.07.2025 11:42

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az