PAŞA Bankda təyinat – Hüquqi məsələlər departamentinə direktor təyin edildi

PAŞA Bankda təyinat – Hüquqi məsələlər departamentinə direktor təyin edildi

PAŞA Bank ASC-də yeni Hüquqi məsələlər departamenti yaradılıb.

Marja.az xəbər verir ki, departamentin direktoru vəzifəsinə İlham Hüseynov təyin olunub.

İlham Hüseynov 1989-cu ildə Bakı şəhərində anadan olmuşdur. Hüquq təhsilini Azərbaycan Respublikasının Prezidenti yanında Dövlət İdarəçilik Akademiyasında tamamlamış (2006-2010), daha sonra beynəlxalq hüquq üzrə magistratura və doktorantura təhsili alaraq qlobal hüquqi sistemlər, maliyyə və bank sahəsində beynəlxalq tənzimləmə üzrə ixtisaslaşmışdır.

Hüquq karyerasına Azərbaycan Respublikası Silahlı Qüvvələrinin hüquqi təminat xidmətində zabit kimi başlamış, 2010–2012-ci illərdə hərbi hüquqşünas kimi xidmət etmişdir. Hazırda ehtiyatda olan zabitdir. 2012-ci ildən maliyyə sektorunda çalışır. Karyerasına xarici investisiyalı AccessBank QSC-də hüquqşünas kimi başlayıb. 2014-cü ildən PAŞA Bank komandasına qoşulub. Bu illər ərzində hüquq komandasında müxtəlif vəzifələrdə – aparıcı hüquqşünas, baş hüquqşünas, hüquq üzrə ekspert və şöbə rəhbəri kimi fəaliyyət göstərib. Departament direktoru kimi o korporativ hüquqi təminat, məhkəmə işləri və qərarların məcburi icrasına məsul olacaqdır.

İlham Hüseynov bir sıra yerli və beynəlxalq təlimlərdə və konfranslarda iştiram edərək maliyyə və bank hüququ, qiymətli kağızlar bazarının tənzimlənməsi, beynəlxalq arbitraj, müqavilə münasibətləri və məhkəmə təcrübəsi üzrə ixtisaslaşmışdır.

Beynəlxalq miqyasda qəbul olunan və layihə liderliyi sahəsində qlobal standart sayılan Project Management Professional (PMP®) sertifikatına malikdir. Azərbaycan Respublikasının Vəkillər Kollegiyasının üzvüdür. Həmçinin Kollegiyanı dünyanın aparıcı hüquq platformalarından biri olan Beynəlxalq Hüquqşünaslar Assosiasiyasında (UIA) rəsmi olaraq təmsil edir. Eyni zamanda ADA Universitetində “Maliyyə bazarları hüququ” fənnini tədris edir.

24.06.2025 13:14

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az