Azərbaycanda qeyri-neft sektorunun inkişafı istiqamətində atılan mühüm addımlar, yaradılan sənaye parkları və məhəllələri ölkənin iqtisadi inkişafına təkan verir. Bu prosesdə xüsusi rolu olan şirkətlərdən biri də “UPS Construction” MMC-dir.

Şirkət ölkədə aparılan sənaye quruculuğu proseslərində mühüm layihələrə imza atmaqla yanaşı, həm də müasir tikinti həllərinin tətbiqi ilə seçilir.

İndiyədək sənaye zonalarına 6,9 milyard manatdan çox investisiya yatırılıb və bu zonalarda 10 mindən artıq daimi iş yeri yaradılıb. Prezident İlham Əliyevin 30 aprel tarixində Sumqayıt Kimya Sənaye Parkında iştirak etdiyi açılışlar, ölkənin sənaye inkişafında dövlət dəstəyinin konkret nümunələrindən biridir. Həmin açılışlarda təqdim olunan “Kartaş Kimya” və “Az-Tex-İmport” zavodlarının tikintisində isə “UPS Construction” şirkətinin əhəmiyyətli rolu olub. Şirkət bu zavodların metal konstruksiya və izolyasiya işlərini uğurla yerinə yetirib.

“UPS Construction” iki əsas istiqamətdə fəaliyyət göstərir: tikinti-quraşdırma xidmətləri və modern inşaat məhsullarının istehsalı. Şirkət sənaye tipli obyektlərin inşası, su və kanalizasiya xətlərinin çəkilməsi kimi texniki xidmətlərlə yanaşı, sendviç panel, metal konstruksiya, konteyner və prefabrik evlərin istehsalı ilə də məşğuldur. Xüsusilə sendviç panellər bu sahədə mühüm məhsul hesab olunur. 4 sm-dən 12 sm-ə qədər qalınlıqda, poliuretan, poliizosiyanurat və daş yunu izolyasiyalı panellər istehsal edən şirkət, ildə 1 milyon m²-dən artıq istehsal gücünə malikdir və bu sahədə “ASSAN Panel” brendinin rəsmi təmsilçisidir.

Prefabrik tikinti həlləri də “UPS Construction”un mühüm fəaliyyət sahələrindən biridir. Qısa müddətdə qurulan, daşıması asan və enerji səmərəli olan bu sistemlər, xüsusilə təcili infrastruktur tələbatı olan bölgələrdə, o cümlədən azad olunmuş ərazilərdə geniş tətbiq edilir. Şirkət müştərinin tələblərinə uyğun olaraq fərqli dizayn və ölçülərdə prefabrik binalar istehsal və quraşdırma qabiliyyətinə malikdir. Bu tikililər təkcə yaşayış üçün deyil, həm də məktəb, xəstəxana, ofis və inzibati obyektlər üçün idealdır.

İşğaldan azad edilmiş ərazilərin bərpası çərçivəsində həyata keçirilən çoxsaylı layihələrdə “UPS Construction” şirkətinin izini görmək mümkündür. Bu layihələr arasında məktəblər, xəstəxanalar, iaşə obyektləri, inzibati binalar, enerji stansiyaları, anbarlar, logistik mərkəzlər və müxtəlif sənaye obyektləri yer alır. Şirkət həm məhsul təchizatı, həm də birbaşa quraşdırma işləri ilə bu strateji bölgələrin inkişafına töhfə verir.

Şirkətin portfelində Bərdə, Hacıqabul və Şirvan Quşçuluq kompleksləri, Chery, Porsche, Volvo avtosalonları, Laçının müxtəlif bölgələrində KSES-lər, İsmayıllıda DOST evi, ölkəmizdə müxtəlif sənaye bölgələrində xüsusən də Sumqayıt Kimya Sənaye parkında və Ağdam Sənaye Parkında yerləşən onlarla zavodlar, Qəbələ Dəmiryol Vağzalı, Maştağa Olimpiya Kompleksi kimi artıq yüzlərlə mühüm obyekt yer alır. 

Hazırda isə “UPS Construction” bir sıra yeni layihələrin icrasını davam etdirir. Bunlara "Efendiler Avto" MMC-yə məxsus Li avtosalonu, Global Interiors Group-a məxsus anbar, Hevalux layihəsi, Baku Expo Center-in dam örtüyü, İmişli pivə komponentləri zavodu və Ağdam xalça fabriki kimi obyektlər daxildir. Gəncədə yerləşən Foriella tekstil zavodu üçün isə sendviç panellərin tədarükü həyata keçirilir. 

“UPS Construction” peşəkar komandası, yüksək texnoloji imkanları və müasir yanaşması ilə Azərbaycanın sənaye inkişafında aparıcı mövqe tutur və bu istiqamətdə fəaliyyətlərini daha da genişləndirməyi qarşısına məqsəd qoyur.

*3020

051 355 25 55

Əhməd Rəcəbli 1/25, Çinar Park Biznes Mərkəsi, 2-ci bina, 4-cü mərtəbə, 409-cu otaq, UPS MMC

info@upsconstruction.az 

www.upsconstruction.az 

! Bu məlumat trəfdaşlıq əsasında yayımlanıb.