22 may 2025-ci il tarixində Bakı Mühəndislik Universitetinin universitet şəhərciyində  “CareerFest BEU 2025” adlı karyera festivalı keçiriləcək. 

Festival "Veysəloğlu" Şirkətlər Qrupunun baş sponsorluğu ilə Bakı Mühəndislik Universiteti (BMU) və "HBN Group" MMC-nin birgə təşkilatçılığı ilə baş tutuacaq. 

Açıq hava formatında baş tutacaq bu irimiqyaslı tədbirdə 100-dən artıq aparıcı müəssisə və təşkilatın, eləcə də 8000-dən artıq tələbə və məzunun iştirakı nəzərdə tutulur. Festival çərçivəsində iştirakçılara müxtəlif sahələr üzrə təcrübə və iş imkanları təqdim olunacaq, karyera planlaması üzrə görüşlər, HR mütəxəssislərlə interaktiv sessiyalar keçiriləcək.

“CareerFest BEU 2025” eyni zamanda əyləncəli proqramlar, interaktiv oyunlar, viktorinalar və canlı musiqi ilə müşayiət olunaraq iştirakçılar üçün həm maarifləndirici, həm də əyləncəli bir platforma yaradacaq.

Tədbirdə yalnız Bakı Mühəndislik Universitetinin deyil, Azərbaycanın bütün ali təhsil müəssisələrinin tələbə və məzunları iştirak edə bilərlər. “CareerFest BEU 2025” həmçinin təcrübə və iş axtarışında olan bütün gənclər üçün açıq olacaq.

İştirak üçün qeydiyyat linki: https://careerfest.az/istirak-et

Əlaqə:

careerfest.az

BAŞ SPONSOR HAQQINDA MƏLUMAT

Veysəloğlu Şirkətlər Qrupu Azərbaycanın qeyri-neft sektorunda ölkə iqtisadiyyatına əhəmiyyətli töhfələr verən aparıcı şirkətlər qruplarından biridir. Qrupa gündəlik tələbat məhsulları sektorunda ixtisaslaşan və çoxşaxəli fəaliyyət göstərən bir sıra şirkətlər daxildir.

Şirkətlər Qrupu dünyanın tanınmış markalarının məhsullarının ölkə üzrə distribusiyasını həyata keçirməklə yanaşı, istehsalat, pərakəndə satış, logistika və dağıtım sahələrində artıq 30 ildən çoxdur ki, uğurla fəaliyyət göstərir.

Eyni zamanda, Veysəloğlu Şirkətlər Qrupu ölkənin ən böyük işəgötürənlərindən biri olmaqla, peşəkar insan kapitalının formalaşdırılmasına, gənc mütəxəssislərin inkişafına və əmək bazarına uğurlu inteqrasiyasına mühüm töhfə verir.

“CareerFest BEU 2025” tədbirinə baş sponsor qismində verdiyi dəstəyə görə Veysəloğlu Şirkətlər Qrupuna təşəkkür edirik.